Riengzlaeng gou liz ranz bae doeg swhfan lo, miz sam aen gyajseizndit mbouj dauq ranz, youq gizhaenx guh hong gyajseizndit. Gou cawx soujgih lo, cij miz geij boux gvansim gou haenx rox haumaj, gij vunz neix mizmbangj dwg gou caeuq daxboh caemh roxnaj. Gizsaed, ndawsim lij maqmuengh de lienzhaeh gou, hoeng, mwh de aeundaej haumaj gou caemh dwk denva hawj gou gvaq le, gou couh sikhaek vuenh haumaj wnq. Gou siengj hawj de hojsouh, cienh’iq ndoekndiengq de, cungj ndoekndiengq neix ndawde yo miz gij siengjniemh gig laeg gou. Moix ndwen 15 hauh, gou bae ngaenzhangz caz soq, ngoenzneix dwg ngoenz de daj ngaenz hawj gou, gou nyinhnaeuz ngaenz haeujsoq seiz, couh dwg seiz daxboh ceiq siengjniemh gou, gou dawz neix haeujsim, gou gig dawz neix haeujsim.

Youq naj gingq vuenh le geij geu buhvaq, sawqmwh gou nanzgvaq lo: Gou vihmaz yaek dajcang baenz yiengh najhai ndaenggon bae raen de ni? Bouxsai neix, yah mbouj maij、lwg mbouj haengj raen, dwg bouxsai saetbaih ndeu, gou yaek yiengq de angj maz ni? Gou seizneix haemq cungcuk. Aenvih gou miz Daeglingz. Youq gwnz dungceh swhfan bizyez ma ranz seiz, Daeglingz bang gou dawz sienghingzlij hwnj gwnz gyaqhuq bae, gaenriengz dou doxcim doxriu mbat he, cij fatyienh songdou daenj buhhagdangz doxlumj——Buhmienz hau gendinj, neix dwg hagseng bizyez daenj haenx, laixlawz dou dwg caemh aen ranzhag mbouj caemh ciennieb ndwi, engq giuj dwg dou lij caemh aensingz dem. Gauhcungh seiz dou mbouj caemh ranzhag, ndigah mbouj roxnaj. Daeglingz youq ranzdancaen majhung, caeuq daxmeh de doxing doxbaengh, de vunz simlangj, aiq dwg daj iq raen daxmeh boux caeuzyah neix gig sinhoj ba, de rox in hagseng lwgmbwk. Lumjbaenz raemx daengz mieng baenz nei, dou guhyoux gienh saeh neix couh babcingz bableix lo. Gou dawz guh’unj、byotnyieg、minjganj、ingbaengh doengh gij neix cienzbouh vut hawj de. Mizseiz de bang gou guh di saeh saepsoiq, najbyak nyinh hanh seiz, gij yiengh neix gou roxnyinh gig sug, seizhaenx, gou dawz de dang youx roxnaeuz dang boh, gou gangj mbouj cingcuj······ Gou caeuq Daeglingz gangj gvaq gij saeh daxboh, de dingq le maz cungj mbouj gangj, cij dwg soengyungz dwk riunyumj.

Diuz gai neix ciuqgaeuq youh raez youh gaeb, gij diemq sug haenx lij youq, miz mbangj gaenq vuenh cawj caemh vuenh gai huq wnq lo. Aen diemq gai gaugveiqva caeuq laeujvan haeuxcid haenx mbouj raen lo, caeuq seizgan gyoebbaenz lizsij lo. Caeuq rog gai nauhyied doxbeij, diuz gai neix caem lai lo, mbouj dwg bouxboux maij cungj caem neix, ndigah gizneix hek noix.

Doeklaeng, gou daenj geu vaqniuzcaij doengz cig saek lamz ndeu, daenj geu buh gendinj saek hau ndeu, daenj gouh haizbaengz fanzbu ndeu, cug geu yaemriengmax ndeu, lij cat di gaunaengbak hawj naengbak rongh di, caenhliengh dajcang baenz gij yiengh gou caeuq daxboh baez doeklaeng raennaj haenx. Gizsaed, gou rox swhgeij gaenq bienqvaq haujlai, miz byawz youq ndaw seizgan gvaqbae haenx dinghmaenh mbouj bienq ne? Haj bi lai, gou caeuq daxboh haj bi lai mbouj doxraen lo. Gou fwt roxnyinh swhgeij dwg bouxvunz simndongj ndeu, gou yienghneix doi daxboh baenz haj bi lai, vihneix daxboh miz maz gamjsouh gou mbouj rox, couh lumj mwh de giengiet biek gou bae, ce aen ngaeuzlaeng hawj gou, seizhaenx gij gamjsouh gou, de hix mbouj rox.

Byaij youq ndaw gai iq, gou fwt dungxmbouq hwnjdaeuj, danghnaeuz aen diemq “Bwnhyez” mbouj youq lo, dou baenzlawz doxraen? Gij laeglemx maqmuengh doxraen dou baenzlawz anqceiq? Hoeng, gig vaiq gou couh onjsim lo. Daxboh haengjdingh daeuj haiq gonq lo, mboujcix de mbouj dingh youq gizneix raennaj ndwi.

Daxmeh gou geij bi neix daeuj anfaenh haujlai, caiq mbouj nauh maz saehfed lo. De bae hag hai ci, baenz bouxhaici cico ndeu. Daxboh lij youq seiz, dang dwg gouhhaiz daxmeh, daxboh lizbae le, de baenz boux vunz lohdin byaij roen ndeu lo, aiq dwg ngaiz gij rinsoem roxnaeuz gingqsoiq ndaw saedceij yawjraen yawj mbouj raen haenx coeg gvaq song din. De haet bae haemh dauq, lij daengq goeng、buz gou naeuz, danghnaeuz sou yiemz, gou gojyij beuj okbae gag youq. Goeng、buz gou vueng lo, songde cij miz song dah lwg, dahgux gou haq bae gyae, maqmuengh mbouj ndaej de lo, ngoenzlaeng cijnaengz maqmuengh daxmeh gou daeuj ciengx songde. Song laux gujyawj ndeiyak, mbouj caiq genhciz daxmeh gyau ngaenzgwnyungh lo, youq dangqnaj daxmeh gou, song laux bienq ndaej siujsim riri. Gou swhfan bizyez bae guhhong dang dwg beuj okbae lo, danghnaeuz daxmeh hix beuj bae, aen ranz neix caen siksoiq liux lo. Seizneix, gyoengqde cij rox, daxboh gou caencingq dwg saeudingjranz aen ranz neix, dwg rengzgietcomz ndaw ranz, hojsik gyoengqde mingzbeg ceiz lo.

Gyae’gyae gou couh yawjraen de. De byom haujlai, aen ndangbueg de ndwn youq gyang gai iq gaebgeb raezred coh baih daeuj haenx muenghyawj. Daenj geuvaq mizcaijfuz, geubuh gendinj hozmwnz saekmong ndeu, song gen geuh dauqlaeng, raed byoem bingzdaeuz. Nditndat ronghsag, ndit bet nyied mbouj suenq haenq, de couh ndwn youq lajndit ronghsak haenx.

(4)

后来我就离开家去读师范了，有三个暑假我没回来，在打暑假工。我买了手机，只有少数几个关心我的人知道号码，这些人中有我和我爸共同认识的人，我不知道自己是不是潜意识里希望他联系我。而当他真的获悉号码并给我打电话时，我却又快速地换掉了号码。我想让他痛苦，想折磨他，这种折磨的背后其实隐藏着自己对他深切地想念。每个月15号我都会去银行查询银行卡上的钱，那是他打钱给我的日子，我想看见有一笔钱打进来的那个时候，我爸在那一刻一定在想我。我只在意这个，我太在意了。

在镜前换了好久衣服，我忽然难过起来：我为什么一定要打扮成春风得意的样子去见他？我想向这个不被老婆爱不被女儿待见的失败男人证明什么？我拥有的已经很多了。我指的是凌。师范毕业回来的动车上，他帮我把行李箱托到行李架上，然后我们相视一笑，因为发现彼此穿的是同一所学校的毕业生白色短袖棉T恤，只是所读的专业不同而已，更巧的是我们的家还在同一个市。我们当年就读的高中不一样，所以当年并不认识彼此。凌在单亲家庭长大，和他的妈妈相依为命，他人极开朗，大概是耳闻目睹他妈妈作为女性的艰辛，他很懂得照顾女生。似乎一切都水到渠成，谈恋爱成了顺理成章的事。我把自己的任性、脆弱、敏感、依赖全给了他。有时候他为我忙一些琐事时，额头上忙出一层细密的汗珠，我居然有种很熟悉的感觉，无法确定那一刻我是把他当成爱人还是当成我爸……我和他谈过我和我爸的事情，他什么都没说，很宽容地笑笑。

小巷依旧深而长，熟悉的门店有的还在，有些已经易主换营生了。那家卖桂花糕和糯米甜酒的小店不见了踪影，和一段时间一起成了永恒的过去。与外面的繁华喧嚣相比，这条巷子多了一层显而易见的落寂，并不是什么人都喜欢这样的落寂，因此顾客也稀少。

我最后穿了一件直筒浅蓝色牛仔裤和白色短袖T恤，也穿帆布鞋，扎一个马尾辫，在唇上涂一层有点发亮的无色润唇膏，尽量还原最后一次我爸见我时的模样。我当然明白自己其实已经改变得太多了，没有人能在流逝的时光里保持一成不变。五年半，我们整整五年半没见过面了。我忽然发觉自己是一个心狠的人，我不知道一个被自己的女儿拒绝了五年半的父亲会有什么样的感受，譬如他也一无所知当初留一个决绝的背影给我时我的感觉。

走在小巷里，心里忽然慌起来，假如那家“奔月”不在了呢？我们的见面、我们隐隐的期待又该安放何处？但很快我便安然了，我爸一定是来看过的，不然他不会建议我们在这里见面。

我妈这几年变得安静了许多，再也没闹过什么绯闻。她去考驾照，成了一名出租车司机。我爸还在的时候，像她的鞋子，他离开了，她就变成了一个光脚走路的人，料想她一定被生活中那些看见抑或看不见的锋利且坚硬的石子，甚至是玻璃碴子扎破过双脚。她每天早出晚归，并且告诉我的爷爷奶奶，假如他们嫌弃，她可以搬出去住。爷爷奶奶慌了起来，他们只有两个女儿，我的姑姑远嫁，指望不上，往后只能靠我妈养老。他们权衡了利弊，不再坚持让她交生活费，在她面前也变得小心翼翼起来。我毕业回来出去工作后就从家里搬出去了，我妈再搬出去，这个家就真四分五裂了。这时候他们才明白，一直被他们不待见的女婿，才是这个家真正的顶梁柱和凝聚力所在。可惜他们明白得太晚了。

远远地，我就看见了他。他看起来消瘦很多，单薄地站在狭长的小巷中央朝来处张望。迷彩裤子、灰色圆领T恤，背着双手，板寸头。阳光很明亮，中秋的阳光不算太热，他就那样站在闪亮的阳光下。