Daxboh gou itcig riengz vunz guh hong cangranz, hix mbouj rox hainduj de baenzlawz guhhwnj hangz neix, baenzngoenz aemq aen daehhongdawz ndeu、gwih mozdozceh youq ndawsingz boenqnyatnyat. Daxmeh gou cix gig ndaejvangq, de guh gvaq laiyiengh gaicawx, hoeng, yienghlawz cungj guh mbouj nanz. Caengz roengz fwngz gaxgonq, de dawz saeh siengj ndaej gig ndei, laihnaeuz saeh neix ndaej hawj de ngoenzngoenz miz cienz lai haeuj daeh、hawj de gig vaiq couh baenz bouxmiz, hoeng guh le mbouj geij nanz couh mbwq lo. Geij bi neix daeuj, ndaw ranz rom gij huq de guh gaicawx haenx lai dangqmaz, buh、vaq、haiz、mad daengjdaengj, caemh miz swizcinwngz lwgnyez dem. Ndaw swiz miz cungj goengnaengz ndaej lwnh 108 aen gojgaeq, mboujdan ndaej hawj lwgnyez dingq goj, lij ndaej lox lwgnyez haeujninz dem. Hoeng, doeklaeng aen ndeu cungj gai mbouj okbae, hajcib aen swizcinwngz daeb youq ndaw ranzhuqcab ngeih laeuz, lij lumj yienghmoq nei. Ngaenzbonj gij huq neix, dangyienz dwg daxboh gou mbon daeh. Daxboh biekbae mbouj geij nanz, daxgoeng、daxbuz caeuq daxmeh haihij doxienq, song laux naeuz ciengx mbouj ndaej sam boux dou——Goengcoj、gou、daxmeh, songde heuh daxmeh hai ngaenzgwnyungh hawj gyoengqde. Daxmeh hix dwg cungj vunz mbouj gangj leix haenx, rig heuj rig faenz fan“soqgaeuq”, naeuz baenzlai bi daeuj dwg bouxsai de ciengx ranz, seizneix de lizbae ngamq geij ndwen, sou couh lumz goek lo. Seizhaenx gou cij rox, gij gwnyungh ranz neix cungj dwg daxboh gou sinhoj bae doz bw.

Daxboh caeuq daxmeh caengz lizvwnh gaxgonq, daj gou roxyiuj hwnj, gou ndaejgeiq daxmeh nauh gvaq sam gienh saehfed, sam boux sai haenx cungj dwg vunz hawgaeuq, boux ndeu dwg hai bouq coih dennauj, boux ndeu dwg youq yienh cwngfuj hai ciiq, lingh boux dwg hai cihuq daehhuq, saeh neix vunz hawgaeuq cungj rox, dawz daeuj guhriu. Daxboh gou naenxnaih ndaej bw, neix caeuq de dwg gwizhwnjcoemq aiq mizgven. Hoeng, daxmeh dawz gij naenxnaih daxboh dangguh unqnyieg, neix dwg yawjfap gou, mboujcix, daxmeh vihmaz baez dem baez famh gij loeng doxdoengz ni? Yienghsiengq de haemq gyaeu, miz aen naj lwgnyez mbouj loh geq ndeu, vunz miz di fed, seizcoz guh saehfed lai le mingzdaeuz mbouj ndei, cij aeu daxboh daeuj hwnjcoemq.

Daxboh biek dou bae le, gvaqlaeng gou ndaej raen de baez ndeu. Haenx dwg gou gauj hwnj swhfan seiz, de youq giz bakroen gaigaeuq doeng coh ranz dou haenx caj gou. De daenj ndang buhvaq mizcaijfuz nyaeuqnyatnyat ndeu, gavaq samj rim hoigau, aemq aen daehhongdawz baengzfanzbu naeknwt de. Gizsaed gou caeux couh raen de, cix youq gizgyae yawj de. Gou yienznaeuz siengjniemh de, hoeng ngoenzhaenx de gwed daehnaengngwz giengiet biekbae, hawj gou siengsim yaek dai. Gou youq gizgyae gyang vunzlai baedauq yawj de haemq nanz, doeklaeng lau de deq mbouj naihfanz cix baeboet, gou couh byaij bae coh de. Gou najlaep dwk, de baez raen gou couh righeuj riu, raen de yienghneix, gou nyaenx mbouj ndaej doek raemxda. Gou byaij bae coh de, byaij daengz dangqnaj de hix mbouj daengx, caeuq de mbaq yaek doxgoed byaij deuz lo. Daxboh gaenriengz youq henzndang gou, itcig gangj mbouj dingz, naeuz de mbouj miz banhfap, aen ranz haenx de saedcaih youq mbouj roengzbae lo. De naeuz de rox gou gauj ndaej hwnj swhfan, sim’angq baenzmaz, de naeuz haenqrengz bae dozcienz hawj gou gyau ngaenzhag, hawj gou ngaenz gwnyungh. Gou coenz maz cungj mbouj gangj, raemxda cungj loenq, itcig daengz gou yaek van haeuj gaiiq baecoh ranz seiz, de cix rag gen gou, dawz mbaw ngaenzhangzgaj caeuq mbawsa raiz mizmaj haenx oet haeuj fwngz gou daeuj, daengq gou dawz ndei, lij naeuz ngaenzhag、ngaenz gwnyungh gou, ngoenzlaeng de ciuqseiz daj haeuj mbaw gaj neix bae. Gangj sat de cuengq gen gou lo. Gou couh yienghneix aen’gyaeuj cungj mbouj cienq dauq saek mbat byaij baenaj, couh lumj ngoenzde de biekbae nei. Gizsaed, gou gig siengj cam de, lizranz le youq gizlawz.

Gauhgauj sat le, gou caeuq geij dah doihndei dawz sojmiz gobwnj、gak cungj sawlienh doi baenz gong sang lumj bo iq haenx caeuq hunghung iqiq mohnij gaujgenj dawz bae gai liux le, couh haihij guengzbag bae liuh, moix haet caeuxcaeux okdou, daengz mwh gwncaeuz cij dauq. Gizsaed hix mbouj rox bae gyawz ne, cij youq gai hung gai iq ndawsingz lumj duzhoenz nei youzlangh ndwi, hix bae rogsingz youz saekgwq, lienz gizdieg coq labsab rogsingz gou lij bae youz gvaq. Gauhcungh sam bi, dou gvaq gij ndwenngoenz lumj boux ngaizgyaeng nei, ndawsim mboek miz cungj haemzhaenq gangj mbouj ok yenzyinh haenx, seizneix dauqdaej ndaej baengq bae gij haemzhaenq neix lo, wnggai simsangj. Hoeng, gou sim mbouj sangj, mwh gou raen gyoengqvunz fan doengj nyapnyaj henz roen ra gij doxgaiq baenzgai haenx; raen boux gwn maknaeuh、haeuxbyaeklw vunz vut haenx; raen bouxbanhbiengz ninz gwnz namh doenghgij vunz neix, gou couh dungxmbaeuq ndangsaenz siengj daengz daxboh, gou laihnaeuz gyoengqde couh dwg daxboh gou. De mbouj rox gou baenzlawz ndiep de, danghnaeuz de cam gou yaek senj caeuq byawz gwnyouq, gou haengjdingh mbouj lawq saekdi senj de. Neix lau de coengzlaiz mbouj rox bw.

Gou mbouj rox mwh gou daj henz ndang daxboh byaij gvaq, de youq baihlaeng gou ndwn geijlai nanz. Gizsaed baezde, gou yawj mbouj cingcuj de. Youq gizgyae, raemxda gaenq dawz gvaengx, gou yawj maz cungj mokdudu, itcig byaij daengz dangqnaj de, youh daj henz ndang de gvaqbae, raemxda cungj lae, gou gaenbonj yawj mbouj cingcuj de dwg mbouj dwg byom lo, gwnz naj de dwg maz biujcingz, ronghda de yawj gou haenx dwg maz yiengh, gijneix gou cungj mbouj rox.

(3)

我爸一直跟着人搞室内装修，也不知当初他是怎么干上这行的，整天背着工具包骑摩托车在县城奔忙。而我妈很清闲，她干过很多买卖，都干不长。没动手之前总是把所要做的事情前景想象得十分美好，可以让她日进斗金，很快暴富，干了之后不久就厌倦了。这些年来，家里积压的她所做过生意的货物一大堆，童装、成衣、棉服、鞋袜，甚至还有一款儿童智能枕头。这枕头里设有会讲一百零八个故事的装置，在给孩子讲故事开发智慧的同时还能起到哄孩子入睡的作用。但最终一个也没卖掉，五十只枕头原封不动码在二楼的杂物间里。当然，这些本钱毫无例外都是我爸掏的。我爸走后一段时间，爷爷奶奶和我妈开始眦睚相待，他们说无法养活三个人：祖祖、我、我妈，他们要我妈交生活费。我妈也不是什么善类，张牙舞爪翻老账，说这么多年来实际上都是她的男人在养家，如今这才几个月就忘本了。那时我才知道，这个家这么多年来的日常开支都是我爸挣的。

在我爸和我妈的婚姻存续期间，自从我懂事起，我记得我妈闹过三次绯闻，对象都是老城区里的，一个开电脑修理店，一个在县政府当小车司机，一个是跑运输的，事情都被老城区的人们知晓并当作茶余饭后的笑料。我爸擅长忍耐，这大概和他的入赘有关。而他的忍耐则被我妈当成懦弱，至少在我看来是如此，不然她不会一而再，再而三地犯同样的错误。她长得不错，有一张不显老的娃娃脸，但为人轻浮，年轻时也是玩多了名声不好，才找了我爸入赘。

我爸离开后，我见过他一次。那还是我考上师范时，他在老城区往家必经的一个路口等我。他穿一身皱巴巴的迷彩服，裤腿上沾满灰白的石灰浆，背着他那只沉甸甸的帆布工具包。其实我早就看见他了，只是在远处张望他。我想念他，但他背着蛇皮袋毅然决然地离去伤透了我的心。我在远处的人流中望了他好一会儿，最后担心他等不耐烦走掉，才朝他走过去。我绷着脸，但见他一瞧见我便咧开嘴笑的模样，我就忍不住流泪了。我朝着他走，到了他跟前也没停下，和他擦身而过走掉了。我爸紧紧跟在我旁边，一个劲和我说话，他说他没办法，他在那个家实在待不下去了。他说他知道我考上师范了，很高兴，他会努力给我挣学费和生活费。我一句话都没说，只是流泪，一直到我快要拐进靠近家的那条小巷，他才一把拉住我，并将一张银行卡和写着密码的纸条塞给我，叫我拿好，还说以后他会将学费和生活费按时打进去。然后他放开我的手。我就这样头也不回地走掉了，一如他当初的离开。其实我很想问他离开家后住在哪里。

高考结束后，我和几个要好的女同学把所有的课本和堆积如山的各类练习册、大大小小的模拟卷送到了回收站后就开始疯狂地玩，每天早早出家门，到晚饭时间才回。其实也没地方去，只是在城里的大街小巷像幽魂一样游走，也去郊区，甚至郊区外的垃圾场都不放过。高中三年，我们过着囚徒般的生活，每个人心里都压抑着莫名其妙的仇恨，如今终于到了宣泄它们的时候了。但我并不开心，我看见那些在街边翻垃圾桶寻找空矿泉水瓶，甚至是吃别人扔掉的半腐烂的水果，还有席地而睡的流浪汉时，我都会心惊肉跳地想到我爸，都觉得他们就是我爸。他不知道我有多爱他，假如他问我会选择和谁在一起，我一定会毫不犹豫地选择他。这一点可能他从来都不知道。

我不知道我爸在我和他擦身而过走掉时，在我身后站了多久。那次其实我并没看清他。远远的，泪水就模糊了我的双眼，一直到他走到跟前和他擦身而过，我一直在流泪，我根本不清楚他离开的这段时间是不是瘦了，他脸上是什么表情，他看我的目光是什么样的，我一概不知。