Cunghgung Cunghyangh Dungj- yiz Cansen Gunghcozbu、Gozgyah Minzcuz Swvu Veijyenzvei cujciz bienraiz le《Bonj Duzbwnj Hag Gij Swhsiengj Youqgaenj Siz Ginbingz Cungjsuhgi Gvendaengz Gyagiengz Caeuq Gaijndei Hong Minzcuz》（lajneix heuhguh 《Duzbwnj》）. Mboengqneix, Yinzminz Cuzbanjse、Minzcuz Cuzbanjse caez okbanj bonj 《Duzbwnj》, caemhcaiq youq daengx guek fathengz.

Baez Cibbet Daih Dangj raeuz doxdaeuj, aen Dangjcunghyangh aeu Siz Ginbingz dungzci guh goek neix genhciz “song aen doxgap”, mboujduenh doicaenh Majgwzswh Cujyi minzcuz lijlun habngamj Cungguek、gaenhwnj seizdaih, cingxcag daezok couqmaenh gij eiqsik caezcaemh Cunghvaz Minzcuz dwg diuz sienqmeh hong minzcuz dangj raeuz、gak hangh hong dieg minzcuz seizdaih moq. Neix caemh cauxbaenz gij swhsiengj youqgaenj Siz Ginbingz cungjsuhgi gvendaengz gyagiengz caeuq gaijndei hong minzcuz, dazyinx gij hong minzcuz dangj raeuz aeu ndaej yiengh cingzcik moq hab geiq haeuj lizsij. 《Duzbwnj》gungh faen guh 14 hoh, bonj de daj fuengvih lizsij、diuzrap youqgaenj、sienqmeh guhhong、baujcang youqgaenj daengj fuengmienh, gangj mingzbeg gij swhsiengj youqgaenj Siz Ginbingz cungjsuhgi gvendaengz gyagiengz caeuq gaijndei hong minzcuz miz gijmaz cungsim swhsiengj、cingsaenz sizciz、neihanz lai yiengh caeuq iugouz saedguh.

《Duzbwnj》ndaej okbanj, fuengbienh gyoengq dangjyenz ganbu haeujlaeg hag gij swhsiengj youqgaenj Siz Ginbingz cungjsuhgi gvendaengz gyagiengz caeuq gaijndei hong minzcuz, laebmaenh aen leixniemh caezcaemh ndeirwix doxcaemh、yungznyaenq doxcaemh、dailix doxcaemh、minghyinh dox- caemh. Hawj gyoengqde lai nyinhdoengz guekcoj hungmbwk、Cunghvaz Minzcuz、Cunghvaz vwnzva、Cunghgoz Gungcanjdangj、yiengh sevei cujyi miz daegsaek Cungguek.

（faenzcieng daj Sinhvazse aeu）