Loih Sawcih

Sawcih dwg sawloih hag doeg Sawgun. Youq ndaw saw mizmingz Sawgun, sawcih dwg loih cih saw cab ngamq hag nduj, dwg gij saw doengsug hawj beksingq hag cihsaw、hag vwnzva caeuq ginwngz. Loih saw neix youq Han Vei seizhaenx hainduj, youq Dangzdai guhbaenz, youq Sung Yenz hwng hwnj, youq Mingz Cingh caezcienz. Loih sawcih youq ndaw sawgeq aeu cihsaw siujsoq minzcuz raiz haenx haemq noix raen, dangqnaj dan raen miz sawcih Sawcuengh cihsaw Cuengh cienz cau, causij nienzdaih dingzlai youq Cingdaih gvaqlaeng, gij banjbonj seizneix souyo haenx miz《Saw Sam Cien》《Geiqsuenq Sam Cien Cih》《Hag Cihsaw》daengj haujlai cungj. Gij daejlaeh sawcih dwg aeu Sawndip daeuj geiqsij doegyaem caeuq eiqsei Sawgun, Sawgun baiz ndeu baiz youq baihgwnz, daih sij, Sawndip caeuq hoizgej song baiz baiz youq baihlaj, siuj sij.

（Vanz Gyanghmyauz hoiz）