Cungguek Yinzminz Cwngci Hezsangh Veiyi Gaiq Cibsam Gvangjsih Bouxcuengh Swcigih Veijyenzvei Baez Hoih Daihsam guh sat gak hangh hong daihhoih le, 1 nyied 16 hauh youq Nanzningz hai sat.

Swcigih Dangjveij suhgi Cinz Gangh、Swcigih cujsiz Lanz Denhliz camgya aen hoih bixmuq. Aen hoih youz Swcigih Cwnghez cujsiz Sunh Daveij cujciz.

Ciz Sauconh、Fei Ciyungz、Vangz Cinvaz、 Cenz Yozmingz、Couh Cwngzfangh、 Vangz Naijyoz、Hoz Sinhhing、Vuh Gyahsi、Liuz Yungjmeiz、Bungz Genmingz caeuq Luz Nwngzgan youq cujsizdaiz baiz daih’it naengh.

Vangz Veizbingz、 Fangz Lingzminj、Cinz Yizginh、Nungz Swnghvwnz、Hij Yungjgo、Luz Sinhningz、Couh Yigez、Cangh Gwz、Myauz Gingvang, Swcigih Yinzda Cangzveijvei、Cwngfuj lingjdauj banhswj cwngzyenz, Swcigih Gaugaep Fazyen、Genjcazyen boux cujyau lingjdauj, gizyawz swngjgiz lingjdauj youq cujsizdaiz naengh.

Daihhoih doenggvaq le mbaw saw cangyi “dajcauh aen dieg bienhleih guenjguh hawciengz dox sinzvanz ndaw guek rog guek veijyenz hengzdoengh”；doenggvaq le gij gezyi Cwnghez Gaiq Cibsam Gvangjsih Bouxcuengh Swcigih Veijyenzvei Baez Hoih Daihsam mizgven cangzvu veijyenzvei gunghcoz baugau; doenggvaq le gij gezyi Cwnghez Gaiq Cibsam Gvangjsih Bouxcuengh Swcigih Veijyenzvei Baez Hoih Daihsam mizgven daezanq gunghcoz cingzgvang; doenggvaq le gij baugau daezanq veijyenzvei mizgven Cwnghez Gaiq Cibsam Baez Hoih Daihsam saemjcaz cingzgvang; doenggvaq le Swcigih Cwnghez bi 2025 doxyaeng dajveh; doenggvaq le gij gezyi cwngci Cwnghez Gaiq Cibsam Gvangjsih Bouxcuengh Swcigih Veijyenzvei Baez Hoih Daihsam.

Sunh Daveij youq mwh gangjvah naeuz, baez hoih neix ndaej daengz Swcigih Dangjveij giengiengz lingjdauj, ndaej daengz gak mizgven fuengmienh haenqrengz haeujcoengh, ginggvaq daengxcungq veijyenz caeuq gyoengq boux dungzci camgya hai hoih caezcaemh roengzrengz, gak hangh hong guh sat. Daengxcungq veijyenz nyinhcaen hagsib gvancez gij cingsaenz Cunghgung Ngeihcib Daih caeuq Ngeihcib Gaiq Ngeihcung、Samcung Cienzhoih, gij cingsaenz Siz Ginbingz cungjsuhgi youq Aen Hoih Angqhoh Cunghgoz Yinzminz Cwngci Hezsangh Veiyi Laebbaenz 75 Hopbi gangj haenx, gij iugouz youqgaenj Siz Ginbingz cungjsuhgi lwnhgangj hong Gvangjsih, cungj naeuz aeu lai bae caeuqfaenh hwnqguh Gvangjsih, mboujduenh doidoengh gij gezcwz baijbouh Cunghgung Cunghyangh caeuq gij baijbouh Swcigih Dangjveij、Cwngfuj doek deih raen rongh.

Sunh Daveij naeuz, bineix dwg bi satbyai “cibseiq haj” gviveh, hix dwg bi youqgaenj caenh’itbouh cienz- mienh haeujlaeg gaijgwz. Raeuz yaek dingjmaenh aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, dingjmaenh dangj lingjdauj、dungjyiz cansen、minzcuj doxyaeng giethab ndeindi, dingjmaenh doxgiet caeuq minzcuj song aen cawjdaez hung, ciuq Swcigih Dangjveij、Cwngfuj baijbouh anbaiz, hopheux aen yinvu moegbiu hwnqguh aen Gvangjsih maenghndei seizdaih moq, comzyawj gyavaiq doinyoengx hwnqguh “it gih song dieg it suen it roenloh”, caen aeu gak fuengmienh swhsiengj caeuq dungx- caiz comz daengz hwngfat ndei saed bae, coenghrengz gih raeuz “cibseiq haj”gviveh souhong、maeuzveh “cibhaj haj” gviveh hwngfat, youq mwh hwnqguh aen Gvangjsih maenghndei seizdaih moq langhbaij dangrap moq dangguh moq.

(daj《Gvangjsih Yizbau》 aeu daeuj genj hoiz Vangz Veij)