Bonjbauq siusik(gicej Veiz Yingjcinh) 1 nyied 2 hauh, Aen Hoih Cungjgez Hong Gujciz Siujsoq Minzcuz Gvangjsih 2024 Nienz Caeuq Yaenglwnh Hong Doicaenh Hanghmoeg Cungdenj youq Nanzningz banh. Aen hoih lwnh vunzlai rox, 2024 nienz Gvangjsih ciengjgouq soucomz gak minzcuz gujciz gungh 2142 cek(gienh), okbanj 《Ingjyaenq Hoiz Ciengq Dangzvangz》《Hoiz Fwenliuhouz Yauzcuz》《Ringaek Libuj》 daengj buek saw moq ndeu, hong gujciz siujsoq minzcuz Gvangjsih baumaenh gij suijbingz daengx guek lingxdaeuz.

Linghvaih, 2024 nienz Gvangj- sih banh aen yingz yenzgiu hagsib gungganq vunzcaiz cingjleix caeuq okbanj gujciz Sawndip daih’it daengx guek, hwnqbaenz aen sizyensiz soqcihvaq gujciz Sawndip daih’it daengx guek caeuq daengx guek gauhyau aen daih’it “denjying Cunghvaz——dieg yawj langh gij cwngzgoj cingjleix okbanj gujciz siujsoq minzcuz Cungguek”, yenzgiu haifat hwnqguh vunzcaiz gujciz daengx guek aen yonjgen guenjleix daih’it——Aen hidungj gyoebsuenq vunzcaiz cingjleix caeuq okbanj gujciz Sawndip.

Hong gujciz siujsoq minzcuz Gvangjsih dingjmaenh aeu couqmaenh gij eiqsik caezcaemh Cunghvaz Minzcuz guh sienqmeh yungh daengz daengx aen gocwngz guhhong bae, gujciz siujsoq minzcuz ciengjgouq soucomz、cingjleix baujhoh、yenzgiu yungh、senhconz lwnhgangj、son- gyauq vunzcaiz、lwnhcingq hanghmoeg daengj gak hothoh gaemdawz gij iugouz sienqmeh maenhdwddwd, aeundaej cingzcik lairaeuh. 2024 nienz Gvangjsih miz 2 aen minzcuz gujciz hanghmoeg liedhaeuj aen cienhangh couqmaenh hanghmoeg bangcienz geizlaeng yenzgiu Guekgya Minzveij, miz 2 aen minzcuz gujciz hanghmoeg ndaej guekgya segoh godaez laebhangh（hanghmoeg bouxcoz caeuq soujngaeh mbouj hwngq）, vunz daengloeg aen hidungj gyoebsuenq vunzcaiz cingjleix caeuq okbanj gujciz Sawndip miz daengz 230 boux, “haj aen doih” hong gujciz siujsoq minzcuz mboujduenh gyalai.

Ciuq cam rox, 2025 nienz, buek saw cungdenj ndeu yaek laebdaeb okbanj caeuq bouxdoeg raennaj, saw dwg Gvangjsih Minzcuz Cuzbanjse、Gvangjsih Gyauyuz Cuzbanjse okbanj, ndawde baugvat 《Ingjyaenq Hoiz Sawndip》《Ingjyaenq Hoiz Sawndip》raq saw cingjleix okbanj gujciz couqmaenh gij eiqsik caezcaemh Cunghvaz Minzcuz Guekgya Minzveij, 《Ingjyaenq Hoiz Samciensaw》 baenzroix vwnzyen ginghdenj couqmaenh gij eiqsik caezcaemh Cunghvaz Minzcuz Gvangjsih, dauqsaw vwnzyen ginghdenj siujsoq minzcuz （Baeuqroxdoh、Vajsi Fuhyinz、Mozit Daihvuengz） daengj.