Gizneix, aenvih oknamh “duz lungz daih’it Cunghvaz” caeuq “duz fungh daih’it Cunghvaz” cix ndaej aen mingzdaeuz “ranzmbanj lungzfungh”.

Gizneix, 27 aen minzcuz、48 fanh boux beixnuengx doxndiep doxgyaez、doxbang doxcoengh, youq gwnz diegnamh 1.2 fanh bingzfueng goengleix neix caezcaemh doxgiet buekguh, caezcaemh mwnhoengh hwngfat.

Gizneix, couhdwg Neimungzguj Sw- cigih Cizfungh Si Unghniuzdwz Giz miz aen mingzdaeuz ndei “cawndongq diegsa” neix.

Unghniuzdwz Giz itloh aeu gij saehnieb minzcuz doxgiet baenaj dangguh gaiq hong youqgaenj ciengxlwenx bae guh, aeu couqmaenh gij eiqsik caezcaemh Cunghvaz Minzcuz guh sienqmeh, hopheux “cauhlaeb aen giz guhyiengh daengx guek minzcuz doxgiet baenaj” guh gak hangh hong, baengh cauhlaeb coenghrengz hwngfat, baengh hwngfat hawjrengz cauhlaeb, gak minzcuz lumj ngveihsigloux nei got ndaet caez youq, raiz bien faenzcieng ndei minzcuz doxgiet baenaj seizdaih moq.

Unghniuzdwz Giz itloh dawzcinj cwngci fuengyiengq caeuq daj daengxbuenz bae doinyoengx hong cauhlaeb minzcuz doxgiet baenaj, aeu couqmaenh gij eiqsik caezcaemh Cunghvaz Minzcuz caeuq hong cauhlaeb minzcuz doxgiet baenaj doxyungz hwnjdaeuj, haeujlaeg doinyoengx cauhlaeb minzcuz doxgiet baenaj caeuq gak aen gizdieg doxyungz hwnjdaeuj, mboujduenh gitfat gij rengzndumj gak gaep dangjcujciz caeuq gak cuz ganbu ginzcung guh cauhlaeb、caeuqfaenh cauhlaeb, doinyoengx gij saehnieb minzcuz doxgiet baenaj guh ndaej onj、 byaij ndaej gyae.

Ranzmbanj lungzfungh, lwgloux rangfwd. Gwnz roen moq, ranzmbanj lungzfungh Unghniuzdwz Giz gak cuz beixnuengx yaek doxndiep doxgyaez、doxbang doxcoengh, caezcaemh doxgiet buekguh, caezcaemh mwnhoengh hwngfat, youq gwnz roen gij saehnieb minzcuz doxgiet baenaj enj aek byaij baenaj!

(Ngozwjdunhduhlwngj Cinz Lizminz Vangz Yinz/额尔敦都冷 陈立民 黄云)