12 nyied 18 hauh, Nanzningz Liengzging Gih hai hoih lenzsiz hong cunghgyau. Aen hoih haeujlaeg hagsib gvancez gij lwnhgangj youqgaenj gvendaengz hong cunghgyau Siz Ginbingz cungjsuhgi caeuq gij iugouz youqgaenj gvendaengz lwnhgangj hong Gvangjsih, cungjgez hong gvaqbae, faensik hingzseiq, baijbouh 2025 nienz yinvu.

Aen hoih cungjgez le gij hong cunghgyau 2024 nienz. Bi gvaqbae neix, gak aen cin（diuzgai）、 gak cwngzyenz danhvei hopndaet haeuj laeg doicaenh cunghgyau guek raeuz miz daegsaek Cungguek, netsaed guh ndei gij hong senhconz gyauyuz cunghgyau cwngcwz faplwd fapgvi、gij hong cazcawq cunghgyau hozdung famhfap、 fuengzre cunghgyau rog guek iemqhaeuj， hawj cunghgyau hozswnh， aenbiengz huzndei.

Aen hoih baijbouh gij hong youqgaenj 2025 nienz. It dwg gak gaep gak bumwnz aeu daezsang cwngci canvei, cungfaen roxnyinh gij eiqsei youqgaenj guh ndei hong cunghgyau. Cietsaed dungjyiz swhsiengj caeuq hengzdoengh daengz gij baijbouh iugouz hong cunghgyau Swcigih、 Nanzningz Si caeuq ndaw singz bae. Ngeih dwg gyagiengz bumwnz doxgap. Yiemzgek lozsiz hong gihci “faengaep fucwz, diegguenj guenjleix”, lozsiz cwzyinci ndaw singz、yanghcin（diuzgai）、 mbanj (segih) sam gaep vangjloz hong cunghgyau caeuq yanghcin (diuzgai)、 mbanj (segih) song gaep hong cunghgyau, doengzcaez henhoh cunghgyau lingjyiz huzndei onjdingh. Sam dwg ndaw singz gak gaep gak bumwnz aeu mboujduenh giengzvaq hagsib. Gyagiengz hagsib cunghgyau cwngcwz faplwd fapgvi, ciuqfap ciuqgvi bae gyagiengz cawqleix cunghgyau swvu, mboujduenh daezswng hong cunghgyau fazciva suijbingz.

（潘大兴/Banh Dahingh）