“Youq gyanghongh ciengx mou, bi ndaej 10 fanh maenz doxhwnj.” Denzlinz Yen Bingzdangz Yangh Mauzcaujbingz Cunh Mbanjbulouz Niz Wjmingz naeuz, ndaw mbanj youq diegbya, daengx mbanj 73 ranz miz 69 ranz guh “gyanghongh+ginghci”, ciengx mou、gaeq、vaiz、mbej, baengh guh doengh gij neix youq bakdou ranz ndaej ngaenz baenzmiz.

Bineix doxdaeuj, Denzlinz Yen damqra “gyanghongh+ndaem ciengx”“gyanghongh+canjlij yungzhab”“gyanghongh+densangh” vunqsik moq, gyalai roenloh hawj bouxguhnaz baenzmiz. Dajcauh aen mbanj guhyiengh sawqdiemj ginghci gyang- hongh ndaem raetmoegngaex aeu Lucwngz Yauzcuz Yangh Funghhou Cunh guh daeuz de, baenz aen mbanj daiqdaeuz guh ginghci gyanghongh cujyau ndaem raetmoegngaex. Ding- anh Cin Veimiz Cunh yungh “byaek-haeuxnaz-byaek” roxnaeuz “gva-haeuxnaz-byaek” caeuq “hezvei+dieggoek+nungzhu” daengj guenjguh vunqsik, haenqrengz guh aen mbanj guhyiengh ginghci canjnieb “gyanghongh+” miz daegsaek ndaem lwgbieng seizcin、byaek geiqciet daengj.

(Vangz Saubiz)