Sinhvazse Baekging 12 nyied 22 hauh dienh Ginggvaq Dangj- cunghyangh baecinj,《Cunghgoz Gungcanjdangj Lizsij》 gienj daihsam cek gwnz Cunghyangh Dangjsij Caeuq Vwnzyen Yenzgiuyen bien haenx, youz Cunghgung Dangjsij Cuzbanjse cingqsik okbanj, dangngoenz hainduj youq daengx guek fathengz.

Bienraiz 《Cunghgoz Gungcanj- dangj Lizsij》 gienj daihsam, dwg gaen 《Cunghgoz Gungcanjdangj Lizsij》 gienj daih’it、《Cunghgoz Gung- canjdangj Lizsij》 gienj daihngeih le， hangh cwngci yinvu youqgaenj Dangjcunghyangh gyau hawj Cunghyangh Dangjsij Caeuq Vwnzyen Yenzgiuyen ndeu. Siz Ginbingz cungjsuhgi doiq laebdaeb bienraiz cek saw neix gig yawjnaek, lai baez guh bae youqgaenj daeuj cijdauj gvaq, vih hong bienraiz saw vix mingzbeg fuengyiengq cinjdeng、gunghawj gaenbonj ciuqei.

《Cunghgoz Gungcanjdangj Lizsij》 gienj daihsam geiqsij gij lizsij Cunghgoz Gungcanjdangj daj 1978 nienz 12 nyied Cibsam Gaiq Samcung Cienzhoih Dangj daengz 1989 nienz 6 nyied Cibsam Gaiq Seiqcung Cienzhoih Dangj, daihgaiq 42 fanh cih, souloeg mbawsiengq 36 mbaw, cujyau yienh’ok le vunz Cunghgoz Gungcanjdangj aeu Dwng Siujbingz dungzci guh cujyau daibyauj de, doxgiet daiqlingx daengx dangj daengx guek bouxminz gak cuz, haeujlaeg cungjgez gij lizsij gingniemh Cungguek moq laebbaenz doxdaeuj, hopheux gijmaz dwg sevei cujyi、baenzlawz hwnqguh sevei cujyi aen gaenbonj vwndiz neix, laebdin Cungguek guekcingz, hag’aeu gij hit gingniemh seiqgyaiq sevei cujyi hwngfat, cauhlaeb Dwng Siujbingz lijlun, haicauh baenz gij lizsij cincwngz sevei cujyi miz daegsaek Cungguek.

Hong bienraiz cek saw neix dingjmaenh Majgwzswh Lezningz Cujyi、Mauz Cwzdungh Swhsiengj、Dwng Siujbingz Lijlun、“Sam Aen Daibyauj” Swhsiengj Youqgaenj、Gohyoz Fazcanjgvanh、Aen Swhsiengj Sevei Cujyi Miz Daegsaek Cungguek Seizdaih Moq Siz Ginbingz guh dazyinx, yiemzgek ciuqei sam aen lizsij gezyi dangj daegbied dwg 《Aen Gezyi Cunghgung Cunghyangh Gvendaengz Gij Cingzcik Hungnaek Caeuq Lizsij Gingniemh Bak Bi Buekguh Dangj》, haeujlaeg gvancez doeksaed gij lwnhgangj youqgaenj gvendaengz Cunghgoz Gungcanjdangj lizsij Siz Ginbingz cungjsuhgi caeuq gij gangjvah youqgaenj nem cingsaenz bae vah youqgaenj gvendaengz hong dangjsij caeuq vwnzyen, dingjmaenh veizvuz sij- gvanh caeuq dangjsijgvanh cinjdeng, dawz cinj cawjdaez cawjsienq、cawjlouz bonjcaet lizsij hwngfat dangj, cungfaen supaeu gij cingzcik ceiq moq yenzgiu lizsij dangj caeuq lijlun dangj, caenh aeu comz miz cwngci、swhsiengj、yozsuz、sengdoengh guh- doih. Cek saw neix okbanj fathengz, vih roxyiuj cinjdeng lizsij dangj gaijgwz hailangh caeuq seizgeiz moq hwnqguh sevei cujyi yendaiva gunghawj le gij vwnzgen cingqsik miz gienzvi, vih gvancez doeksaed 《Aen Diuzlaeh Hong Hagsib Son’gyauq Dangjsij》, doinyoengx ciengzseiz hagsib son’gyauq dangjsij gunghawj cek sawsonhag giekdaej moq, doiq daengx dangj daengx biengz dungjyiz swhsiengj、gietcomz rengz、nyoengxhwnj ceiqheiq buekguh、daezsingj dungxcaiz, caenh’itbouh cienzmienh haeujlaeg gaijgwz, aeu gij yendaiva yiengh Cungguek cienz- mienh doinyoengx hwnqguh aen guek ak、gij saehnieb hungmbwk minzcuz fukhwng, miz yiyi youqgaenj.