12 nyied 10 hauh, Swcigih Minzcunghveij dangjcuj suhgi、 cujyin、 Swcigih Dangjveij Dungjcanbu fubucangj Lij Cinlinz daiqdoih daengz Denzdungh Yen diuyenz gij cingzgvang gvancez lozsiz gij cingsaenz aen hoih hong Cunghyangh Dungjcan caeuq hwnqguh gih guhyiengh couqmaenh gij eiqsik caezcaemh Cunghvaz Minzcuz.

Cujdiuyenz gonqlaeng daengz Bingzmaj Cin Mbanjnazhwngz Gwzmingsijgvanj、 dieg gaeuq Yougyangh Gunghnungz Minzcuj Cwngfuj、 Denzdungh Yen Bozvuzgvanj daengj dieg, doenggvaq dingq veibau、 saeddieg cazyawj daengj fuengsik, ciengzsaeq liujgaij gij cingzgvang hwnqguh gih guhyiengh couqmaenh gij eiqsik caezcaemh Cunghvaz Minzcuz Denzdungh Yen.

Cujdiuyenz ceijok, aeu laebdaeb haeujlaeg gvancez lozsiz gij swhsiengj youqgaenj gvendaengz gyagiengz caeuq gaijndei hong minzcuz Siz Ginbingz cungjsuhgi, laegdaeuq gaemdawz sienqmeh hong couqmaenh gij eiqsik caezcaemh Cunghvaz Minzcuz, mboujduenh doidoengh couqmaenh gij eiqsik caezcaemh Cunghvaz Minzcuz gak hangh hong engqgya mizhingz mizgamj mizyauq. Aeu giethab dangdieg saedsaeh caeuq daegsaek, gyagiengz yenzgiu、 daezsang swhgeij, haeujlaeg vatra lizsij vwnzva swhyenz daengj yenzsu, laebdaeb haenqrengz senhconz doigvangq, cuknet swhsiengj giekdaej， gietcomz cingsaenz ligliengh, guhbaenz aen gwzgiz hwnqguh gih guhyiengh couqmaenh gij eiqsik caezcaemh Cunghvaz Minzcuz gwnzlaj doengzsim、 bumwnz doxgap、 daengxcungq yinzminz camgya haenx.

(覃金香/Cinz Ginhyangh)