Mboengqneix, aen hoih hainduj sawq sonhag caeuq “cek sawveh damzraih Cunghvaz Minzcuz ranz vunz ndeu”okbanj yenzdauj youq Nanzningz guh.

Dauq saw neix dwg Gyauyuzbu Minzcuz Gyauyuzswh cujciz bienraiz、Yinzminz Gyauyuz Cuzbanjse suenqveh okbanj. Dauq saw neix aeu couqmaenh gij eiqsik caezcaemh Cunghvaz Minzcuz guh sienqmeh, doenggvaq damzraih, hawj gyoengq lwgnyez ndaej riengz bouxnyez sigloux bae dingq damzraih、gangj damzraih、hag damzraih, hawj gij eiqsik caezcaemh Cunghvaz Minzcuz youq ndaw sim gyoengq lwgnyez maj rag dignyez.

Youq hozdung yienhciengz, Gyauyuzbu Minzcuz Gyauyuzswh、Swcigih Dangjveij Gyauyuz Gunghveij、Gvangjsih Cuzbanj Conzmeiz Cizdonz、Yinzminz Gyauyuz Cuzbanjse mizgven lingjdauj caeuq gih ndaw gih rog lauxcangh sonsaw, doiq dauq saw neix bingzgyaq gig sang, caemhcaiq haeujlaeg yaenglwnh guhlawz engq ndei aeu dauq saw neix yungz haeuj aenbaez sonhag、sonhag ndei bae.

Ciuq cam rox, Gvangjsih Bingzsiengz Si、Swconh Ahba Yen、Yinznanz Swngj Majgvanh Yen daengj 6 aen swngj gih buek youwzyenz ndeu baenz gij danhvei sawq sonhag “cek sawveh damzraih”, doenggvaq doidoengh hong sawq sonhag, damqra lai roenloh yungh dauq saw, fatok gij cozyung de guhlawz son’gyauq couqmaenh gij eiqsik caez- caemh Cunghvaz Minzcuz.

（Sunh Bungzyenj）