12 nyied 12 hauh, Aen Hoih Yienhciengz Doinyoengx Daengx Gih Hwnqguh Gih Guhyiengh Couqmaenh Gij Eiqsik Caezcaemh Cunghvaz Minzcuz youq Cungzcoj hai, cungjgez gij cingzcik duenhgonq hwnqguh gih guhyiengh aeundaej de, yenzgiu anbaiz hong yamqlaeng. Swcigih Dangjveij cangzveij、Dungjcanbu bucangj Vangz Sinhfu camgya caemhcaiq gangjvah, Swcigih fucujsiz Huz Fanz cujsiz.

Aen hoih daegbied gangj daengz, aeu cienzmienh gvancez doeksaed gij swhsiengj youqgaenj mizgven gya- giengz caeuq guhndei hong minzcuz Siz Ginbingz cungjsuhgi caeuq gij iugouz youqgaenj gvendaengz lwnh- gangj hong Gvangjsih, laemxsim mbouj bienq byaij diuz roen cinjdeng miz daegsaek Cungguek gaijgez minzcuz vwndiz, roxyiuj cinjdeng gij megloh lizsij hwngfat caeuq guhbaenz aen gungdungzdij Cunghvaz Minzcuz, hopheux cunghsinh yinvu cienzmienh doinyoengx hwnqguh aen gungdungz- dij Cunghvaz Minzcuz. Aeu laebdaeb haeujlaeg yenzgiu lijlun couqmaenh gij eiqsik caezcaemh Cunghvaz Minzcuz, haeujsim doinyoengx diuz- cingj guhcaez cwngcwz fazgveih hong minzcuz, comzyawj sienqmeh dungj- couz maeuzveh hong miz daegsaek diemjrongh, guhsaeq laebndei gij dijhi bingzgyaq cijbyauh doinyoengx hwnq- guh aen gungdungzdij Cunghvaz Minzcuz, soujcingq cauhmoq haicauh hwnqguh gih guhyiengh gizmen moq.

Aen hoih lij dingqaeu le gij yigen genyi gak si naeuz 《Cauhlaeb Si Guhyiengh Couqmaenh Gij Eiqsik Caezcaemh Cunghvaz Minzcuz Bingz- gyaq Cijbyauh （Sawqguh）》, boux camgya hai hoih yawjngonz gaujcaz le Cungzcoj Si gvendaengz dieg guhyiengh. Yilinz、Bwzswz、Cungz- coj caeuq Dunghhingh Si、Nanzningz Si Binhhuzlu Siujyoz daengj hwnj daiz lwnh gingniemh.

(Hoz Mingzvaz)