Mboengqneix, Cunghgung Cunghyangh Senhconzbu yaenqfat byaujcangh gietdingh, byaujcangh aen danhvei senhcin guhhong cujciz caeuq cozbinj maenhndei gaiq daihcibcaet cingsaenz vwnzmingz gensez “gunghcwngz haj aen it”. Densigi《Dahlwg Byahung》 ndaej “ciengj cozbinj maenhndei”, bouh benq neix dwg Swcigih Dangjveij Senhconzbu、Cezgyangh Swngjveij Senhconzbu daengj danhvei doxcaez ok.

Gaiq “gunghcwngz haj aen it” neix cujyau bingzsenj byaujcangh gij cozbinj maenhndei 2022 nienz 6 nyied 1 hauh daengz 2024 nienz 5 nyied 31 hauh baez nduj boqok、yienj、daeng、okbanj、fatbiuj. 《Ciz Bwzsiz》 daengj 15 bouh heiq、《Deihgiuz Liuzlangh 2》 daengj 12 bouh denyingj、《Cam Canghmangz》 daengj 16 bouh densigi、《Cin Hah Cou Doeng Dauz Sanhyenz》 daengj 10 bouh faenzcieng gwnz muengx、《Aen Loq Laj Gohaeux Yietliengz》 daengj 10 bouh heiq gvangjbo、《Denhsanh Cuengqgo》 daengj 12 diuz go、《Siz Ginbingz Byaijhaeuj Ranz Beksingq》 daengj 15 bouh saw caeuq 《Gij Ginghci Swh- siengj Siz Ginbingz Youq Fuzgen Raekciengx Caeuq Saedguh》 daengj 15 bien faenzcieng lijlun, gungh 105 bouh cozbinj ndaej “ciengj cozbinj maenhndei”.

Densigi 《Dahlwg Byahung》aen yiengh de dwg Vangz Vwnzsiu boux ndaej “caet it yinhcangh”、daengx guek gungcanjdangjyenz maenhndei、“buengjyiengh seizdaih”、daengx guek vutgungz gunggeng buengjyiengh, lwnhgangj gij gojgaeq Vangz Vwnzsiu yenzgiuswngh bizyez le, mbouj bae hawsingz hung guhhong, giengiet dauq daengz ranzmbanj Bwzswz, gag naeuz yaek bae lajmbanj guhhong bangfuz, danqhaenh dangjyenz bouxcoz daih- neix aeu Vangz Vwnzsiu guh daibyauj de yungh gij nienzgeij hauxseng lwnhgangj diuzrap simnduj vunz gungcanjdangj、raiz gij gojgaeq diuz go hauxseng seizdaih moq.

Bouh densigi neix youq 2022 nienz mboengq “caet it” youq Yanghsi dauq nduj、dauq bet duenhseiz 19∶30 daengz 21∶50 boqok, youq daengx guek duenhseiz neix densigi buengj souyawj daih’it mingz. Bouh densigi neix boqok le, 《Yinzminz Yizbau》《Gvanghmingz Yizbau》 daengj 50 lai aen cunghyangh caeuq swcigih cujliuz meizdij bauqlwnh haenhndei, senj- haeuj Cunghsenhbu、Guekgya Gvangjbo Densi Cungjgiz “danqhaenh seizdaih moq、buekguh roenloh moq” heiqmoeg canjbo densigi maenhndei, caemhcaiq gonqlaeng ndaej gaiq daih 18 Cungh Meij densicez·Cunghvaz vwnzva cienzboqligciengj、2023 nienz CMG gaiq nduj Cungguek densigi nienzdoh swngdenj·nienzdoh densigi maenhndei daengj ciengj.

(Sunh Bungzyenj)