11 nyied 30 hauh, 2024 Aen Singhgiz Cauh’eiq Vwnzva Cung- guek-Dunghmungz(Nanzningz) Nem Ciet Ndwenngoenz Cauh’eiq Cinghsiu youq Nanzningz Gozci Veicanj Cunghsinh haimuq.

Baez hozdung neix dwg Aen Hozdung Ndwen Vwnzva Cung- guek-Dunghmungz(Nanzningz) Gaiq Daihngeih ndawde aen ndeu, cawjdaej hozdung guh ndwen ndeu. Ndawde, 2024 Aen Singhgiz Dajveh Cauhmoq Gvangjsih gaenq youq 11 nyied 29 hauh haimuq, baugvat Cinghsiu ndei dajveh、ciet gahfeih Dunghmungz、hoih cauh’eiq、haemh dajveh daengj 4 aen banjgvai; Aen Singhgiz Gunghgung Yisuz Gvangjsih Gaiq Daihhaj Nem 2024 Cinghsiu Gih Gunghgung Vwnzva Haeuj Gai Gaicawx Hozdung cingq youq Cinghsiu Gih guh, langhbaij deugaek dajcang、haw yisuz vwnzcang、langhbaij sawveh cozbinj caeuq yienjheiq daengj yaek laebdaeb daengz 2025 nienz 3 nyied 31 hauh.

Linghvaih, Aen Hoih Sawmaeg Gvangjsih 2024 yaek youq 12 nyied 14-15 hauh guh, lai boux bozcuj yisuz、ciengqgo、sonsaw、lizsij daengj loih ndaw guek mizmingz yaek daengz ciengz caeuq vunzlai doxraen gangjgoj; Ciet Ciengqgo Cinghsiu·Luzyej 2024 youq 12 nyied 28-29 hauh youq Nanzningz Si Minzgohhuz gingjgih haiciengq; Hoih Faenj Lajmbwn Nem Aen Gvanj Daejniemh Vwnzva Faenj Gvangjsih haigvanj gujsuenq youq 12 nyied 31 hauh guh, boux cienzswnj feihyiz yaek daengz ciengz lwnh gij dinfwngz guh faenj- lauxyoux, dieg langhbaij “gyaeujgai Dunghmungz” yaek guh gijgwn ndei caeuq langhbaij gij gingjsaek ndei Dunghnanzya, iucingj gyoengq boux- hek daeuj caemh angq.

(Mung Cinhingh Vangz Cen)