Mboengqneix, Gvangjsih goeng- bouh gij mingzdan gikleih aen yienh（si、gih） henhoh reihnaz 2023 nienz, daengx gih 15 aen yienh（si、gih） gwnz buengj miz mingz. Ciuq 《Gij Banhfap Gikleih Henhoh Reihnaz Gvangjsih》 ,aen yienh（si、gih） ndaej gikleih bineix yaek ndaej baezdog ciengj ngaenzcienz 600 fanh maenz.

Ciuq 《Gij Banhfap Gikleih Henhoh Reihnaz Gvangjsih》 mizgven iugouz, Swcigih Swyenz Swhyenz Dingh caeuq Swcigih Nungzyez Nungzcunh Dingh cunghab bingzgyaq le hong henhoh reihnaz 2023 nienz gak yienh（si、gih）daengx gih. Gij mingzdan ndaej ciengj faenbied dwg: Nanzningz Si Vujmingz Gih、Gyanghnanz Gih, Liujcouh Si Luzcai Yen, Gveilinz Si Yungjfuz Yen、Gunghcwngz Yauzcuz Swciyen、Bingzloz Yen, Vuzcouh Si Lungzhih Gih, Bwzhaij Si Hozbuj Yen, Fangzcwngzgangj Si Dunghhingh Si, Gveigangj Si Cinzdangz Gih, Yilinz Si Yungzyen, Hocouh Si Cunghsanh Yen、Fuconh Yauzcuz Swciyen, Hozciz Si Yizcouh Gih, Laizbinh Si Siengcouh Yen.

Ciuq cam rox, 2023 nienz, Gvangjsih doenggvaq doeksaed gak hangh hong youqgaenj henhoh reihnaz dangjcwng caemh cwzyin、gyagiengz guenj guhlawz yungh reihnaz、dingjgeng henhoh reihnaz daengj banhfap, saedyienh reihnaz itbuen doengzbeij demgya 145%, coenghrengz reihnaz Gvangjsih lienz- daemh song bi saedyienh henhoh ndaej ndei.

《Gij Banhfap Gikleih Henhoh Reihnaz Gvangjsih》 mingzbeg naeuz, cwngfuj aen yienh(si、gih) ndaej swcigih gikleih henhoh reihnaz wnggai aeu ngaenzcienz gikleih mbouj noix gvaq 80% yungh daengz gikleih ndaw dieg guenjleix aen yanghcin henhoh reihnaz cingzcik yienhda bae, haeuj- coengh nungzcunh cizdij ginghci cujciz guh hong henhoh reihnaz cingzcik yienhda de.

(Dangz Gvangjswngh Couh Yenfangh)