11 nyied 6 hauh, Majsanh Yen hai hoih ciendaez gvancez lozsiz hong hwnqguh gih guhyiengh couqmaenh gij eiqsik caezcaemh Cunghvaz Minz- cuz, cienz hag gij cingsaenz Aen Hoih Haenh Daengx Guek Minzcuz Doxgiet Baenaj caeuq hoih mizgven hwnqguh gih guhyiengh Swcigih、 Nanzningz Si, cungjgez caeuq baijbouh gij hong hwnqguh gih guhyiengh.

Aen hoih ceijok, bineix daeuj, daengx yienh daj gwnz daengz laj genhciz couqmaenh gij eiqsik caez- caemh Cunghvaz Minzcuz guh diuz sienqmeh gak hangh hong, hopheux hwnqguh “haj aen suenranz”, gak gaep gak bouhmonz maedcaed gaeu- doeng caemciek, gyagiengz boiqhab, nyinhcaen lozsiz gak hangh yinvu, gyoebrengz guh gak hangh hong, laebdaeb youq gwnz hwnqguh “haj aen suenranz”roengz goengfou aeu saedyauq, cingzyauq haemq ndei.

Aen hoih iugouz, daengx yienh gak gaep gak bouhmonz aeu daezsang cwngci canvei, nyinhcaen hag gij cingsaenz hoih mizgven hwnqguh gih guhyiengh, gaemmaenh sienqmeh, laebdaeb gyalaeg swhsiengj yinsiz gvancez lozsiz hong hwnqguh gih guhyiengh, cietsaed lai roxnyinh mbaq rap naek. Aeu ciuq doxgven baijbouh, ndaetndaet hopheux muz- byauh yinvu hwnqguh “haj aen suenranz”, fatok gij cozyung denjhingz guhyiengh dazyinx、 fuzse daiqdoengh. Aeu ciengzseiz guh hozdung senhconz gyauyuz, gangj ndei gij goj Majsanh couqmaenh gij eiqsik caezcaemh Cunghvaz Minzcuz. Aeu cienzmienh cungjgez gij hong bineix, genhciz aeu vwndiz guh dazyinx, bouj caez giz dinj hangh nyieg, doidoengh hwnqguh gih guhyiengh mbouj- duenh miz cincanj moq cingzyauq moq.

(窦大全/Dou Dacenz)