10 nyied 29 hauh, Hozsanh Si hai hoih cwngdangj caemhciek hwnqguh gih guhyiengh couqmaenh gij eiqsik caezcaemh Cunghvaz Minzcuz.

Aen hoih giengzdiuh, aeu laegdaeuq gaemdawz gij neihanz youqgaenj hong couqmaenh gij eiqsik caezcaemh Cunghvaz Minzcuz, dawz hwnqguh “haj aen suenranz” guh aen muzbyauh fuengyiengq hong couqmaenh gij eiqsik caezcaemh Cunghvaz Minzcuz. Haeujlaeg hagsib gvancez gij swhsiengj youqgaenj Siz Ginbingz cungjsuhgi gvendaengz guh ndei hong dungjyiz cansen dangj seizdaih moq, laegdaeuq roxyiuj gij eiqsei youqgaenj “song aen dinghlaeb”, giengiet guh daengz “song aen henhoh”. Aeu biucinj ceiq ndei bae lozsiz ndei gak hangh yinvu, doidoengh saehnieb dungjyiz cansen caeuq lai aen dangj doxgap cangqheiq hwngfat.

Aen hoih iugouz, gak gaep gak bouhmonz aeu genhciz couqmaenh gij eiqsik caezcaemh Cunghvaz Minzcuz guh diuz sienqmeh daengx si gak hangh hong, cietsaed gyagiengz aen dangj lingjdauj, mboujduenh gyamaenh hwngfat gizmen ndei gak cuz yinzminz doxgiet haenqrengz guh. Gak boux daibyauj aen minzcuj dangjbai、sevei donzdij aeu haeujsim hong cungdenj caeuq vwndiz yezdenj nanzdenj gwnzbiengz, cungfaen fatok gij ndeicawq dungjyiz cansen lienzhab gvangqlangh、 swhyenz fungfouq, gyonjcomz rengz dungxcaiz gak fueng, haenqrengz sij biencieng gij yendaiva yiengh Cungguek Hozsanh.

(吴伯伦/Vuz Bwzlunz)