Mboengqneix, Vwnzva Caeuq Lijyouz Bu goengbouh cungdenj conzdungj（ginghdenj） heiqmoeg fuk- baiz giva mingzloeg, daengx guek gungh miz 38 bouh cozbinj senj- haeuj giva, Gvangjsih Higiyen heiq- caijdiu 《Liuz Sanhcej》 caeuq Nanz- ningz Si Yisuz Heiqyienh heiqfoux 《Mehlwg Ra Henzmbwn》 ndaej senj- haeuj.

Cungdenj conzdungj（ginghdenj） heiqmoeg fukbaiz giva dwg aen banhfap Vwnzva Caeuq Lijyouz Bu doidoengh sevei cujyi vwnzyi hwngfat ndei saed、doicaenh hwnqguh Cungh- vaz Minzcuz vwnzmingz daihneix ndeu, giva youq 2024-2025 nienz guh.

Heiqcaijdiu 《Liuz Sanhcej》 1958 nienz guh baenz, dwg gij yisuz ginghdenj daizheiq Cungguek. Heiq- moeg daezcaiz daj aen gojgaeq cienznaeuz “canghfwensien Boux- cuengh Liuz Sanhcej” aeu, lwnh gij gojgaeq Liuz Sanhcej vihliux henhoh gij swyouz caeuq viyiemz ciuhvunz, baengh fwen buekhoenx, cauh’ok gij yienghsiengq Liuz Sanhcej gaenxguh sienhsoh、gyaeundei coengmingz、lauxsaed leixhaih、rox ciengq rox foux. Bouh heiq neix youq ndaw guek rog guek yienjok 3000 lai ciengz, ginggvaq Gvangjsih daih dem daih “Liuz Sanhcej” laemxsim yienj, daengz seizneix lij cienz yienj.

Heiqfoux 《Mehlwg Ra Henz- mbwn》 daezcaiz hix dwg gij cienz- naeuz ndawbiengz Bouxcuengh. Bouh heiq neix lwnh gij gojgaeq geq boux daxmeh Bouxcuengh daiq lwg ndeu dawz gij maqmuengh vunz cugranz, bae coh baihdoeng, ra henzmbwn. Daengx bouh heiq langhbaij le gij minzcuz cingsaenz lwgminz Boux- cuengh gaenxmaenx doxhwnj、baenz- baenz cungj mbouj lau、gamj buekguh. Heiqmoeg youz Nanzningz Yisuz Heiqyienh youq 1999 nienz cauhguh daengz neix, gaenq yienj 300 lai ciengz.

（daj 《Gvangjsih Yizbau》 aeu daeuj hoiz Liuz Yi）