10 nyied 29 hauh, Sawndip Cunghvaz Gujciz Soqcihvaq Sizyensiz youq Gvangjsih Gyauyuz Cuzbanjse biengjbaiz laebbaenz, neix dwg naeuz daengx guek aen daih’it Sawndip Gujciz Soqcihvaq Sizyensiz cingqsik yinhhengz.

Laebbaenz Sawndip Cunghvaz Gujciz Soqcihvaq Sizyensiz dwg gij banhfap bouxguhhong gujciz minzcuz Gvangjsih doeksaed 《2021-2035 Nienz Guekgya Gujciz Gunghcoz Gveihva》ndawde aen ndeu.《2021-2035 Nienz Guekgya Gujciz Gunghcoz Gveihva》 youz Daengx Guek Gujciz Cingjleix Cuzbanj Gveihva Lingjdauj Siujcuj yaenqfat, ndawde daezok aeu “doidoengh hwnqguh aen sizyensiz youqgaenj guh gujciz soqcihvaq, gyagiengz aeu dinfwngz moq bae doigvangq yungh hong gujciz soqcihvaq, giengzvaq vatcimh soqgawq, saedyienh geiq- liengh gyoebsuenq、faenzbonj gvan- lienz、dinghvih cazcam daengj goeng- naengz, doicaenh gujciz leihyungh ndei.”

Ciuq cam rox, Sawndip Cunghvaz Gujciz Soqcihvaq Sizyensiz youz Gvangjsih Gyauyuz Cuzbanjse、Gvangjsih Saujsu Minzcuz Gujciz Baujhoh Yenzgiu Cunghsinh fathwnj laebbaenz, caeux youq 3 bi lai gaxgonq, song aen danhvei couh dazfwngz damqra guhlawz guh Sawndip gujciz soqcihvaq. 2021 nienz 4 nyied, ndaej daengz Swcigih Dangjveij Senhconzbu cujciz lingj- dauj, song aen danhvei hainduj hwnqguh gij vwnzva ciuhgeq maenh- ndei Gvangjsih soqcih cuzbanj bingz- daiz. 2022 nienz 8 nyied, aen cang bingzdaiz “cang swhyenz soqcih cang gujciz Gvangjsih” hwnqbaenz, souloeg gak minzcuz sawgeq daejbonj 400 bouh、goemjyaenq bei 600 gienh, vwnzsuh 1000 gienh、yinhbinz sibinz ca mbouj lai 10000 gawq. 2023 bienz 12 nyied, gij vwnzva ciuhgeq maenh- ndei Gvangjsih soqcih cuzbanj bingz- daiz cingqsik yungh. 2024 nienz baenzroix doxgaiq soqcih laebdaeb guhsat haifat——“fap coqhaeuj Saw- ndip Nazvah” souloeg Sawndip ciengzraen 1 fanh lai cih, aen yonjgen ciengzseiz yungh daeuj bien cihsaw ndaej coqhaeuj caeuq yienh’ok Saw- ndip; “nazvah minzcuz gujciz cinwngz benhciz haeddoiq bingzdaiz” miz gij goengnaengz gag baenz lai hangz doiq hoiz swzdiuz、youqsienq doiq- ciuq cingjleix、youqsienq haeddoiq daengj.

(Veiz Yingjcinh)