Cauh sawcih minzcuz vunz noix, hawj gyoengqvunz dieg minzcuz vunz noix comzyouq haenx baedauq fuengbienh lai lo, coicaenh le vwnzva hwngfat. Aeu Sawndip daeuj gangj, ciuhdaih roengzdaeuj, ndaw sawgeq miz haujlai baez geiqloeg vunzbiengz sawjyungh Sawndip. Rindat deugaek《Haenh Ranz Hung Loeg Hab Maenhcwd （六合坚固大宅颂）》 Dangzdai Yungjcunz yienznienz(682) caeuq《Bei Cicwngz（智城碑）》Dangzdai Sinzgungh yienznienz(697) Gvangjsih Sanglinz Yen, cungj deu miz geij cih saw “yiengh linghgag” geiqloeg Vahcuengh doegyaem, neix dwg gij sawcih ceiq caeux boux roxsaw Bouxcuengh louz roengzdaeuj, hix dwg daengz seizneix fatyienh gij sawgeq sawjyungh Sawndip ceiq caeux haenx, gangjmingz youq mwh Dangzdai cogeiz Sawndip gaenq ndaej boux roxsaw baihgwnz Boux- cuengh raen baenz sawjyungh.

Daengz Sungdai le, Sawndip caiq ndaej hwngfat, ndaej daj baihgwnz doigvangq daengz laj- biengz. Ndaw bonj Sungdai《Yiz- hwngz Ci Ranghdieg Gvei （桂海虞衡志）》 Fan Cwngzda raiz geiq naeuz:“Sawndip, bien gex doj rungh, sawdajgauq sawhanh’iek cien yungh daeuj sij, Gveilinz gak dieg hix dwg.”Eiqsei dwg naeuz, youq ranghdieg Gveilinz gij mbanj bien gex gyae- gyang haenx, gyoengqvunz dingzlai aeu Sawndip daeuj sij sawdajgauq sawfaenz. Youq ndaw saw, Fan Cwngzda lij geiqloeg gij yienghceij、fatyaem、eiqsei geij cih Sawndip, lumj: 公式(doeg sing “onj”)， naengh youq ndaw dou, couh dwg onj. 仦（doeg sing “niq”）, dah lwg iq heuh guh dahniq. 公式(doeg sing “rag”)， daiz mbouj ndaej ga byaij roen ga rag namh. 公式（doeg sing “dah”）, dwg gangj lwgmbwk, Bouxcuengh heuh coh lwgmbwk sibgvenq youq baihnaj gya “dah”. 公式(doeg sing “gamj”), dwg gangj congh gamj gwnz byarin. Daj gij geiq yaem caeuq eiqsei gij sawcih neix yawj ndaej ok, mwh Sungdai Sawndip gaenq hwngfat daengz haemq cingzsug lo, seizhaenx ndawbiengz vunz gaenq sawjyungh haemq lai lo. “Gou yawj sawdajgauq song bi, raen lai sibgvenq lo”, lienz Fan Cwngzda hix raen gvenq lo.

Sawcih ciuhgeq minzcuz vunz noix cauhguh、sawjyungh caeuq riuz- cienz, hawj gyoengqvunz gak minzcuz baedauq doxgyau、doxgiet doxgyaez ndaej miz saw vah fuengbienh sawj- yungh, doiq geiqloeg minzcuz lizsij、cienzswnj minzcuz vwnzmingz、gya- laeg minzcuz nyinhdoengz、doidoengh minzcuz vwnzva fazcanj、fungfouq caeuq hwngfat Cunghvaz Minzcuz vwnzva lai cungj caemh yiengh dawz ok cozyungh hungloet, caemhcaiq aenvih neix ndaej louz gij sawgeq cungjloih fungfouq、soqliengh lai- raeuh haenx roengzdaeuj.

（Vangz Gyanghmyauz hoiz）