10 nyied 24 hauh, Yungzsuij Myauzcuz Swciyen Danenz Yangh guh cawjdaez gyauhliuz hozdung “angqhoh fungsou” caeuq Gvangjsih、 Huznanz、 Geicouh humx “ndoi sam sengj”rangh guhyiengh couqmaenh gij eiqsik caez- caemh Cunghvaz Minzcuz， doenggvaq codanz gyauhliuz、 baijgai doxgaiq reihnaz、 yienjheiq daengj lai cungj hingzsik, coicaenh sam swngj（gih） seiq yienh gak cuz ginzcung “sam gyau”.

Gyauhliuz codanzvei ceijok, aeu laebdaeb gyagiengz sam swngj（gih） doxgap caemhguh, laebdaeb haenq- rengz doicaenh hwnqguh rangh guh- yiengh couqmaenh gij eiqsik caez- caemh Cunghvaz Minzcuz cangzdaiva caeuq cangzyauva. Aeu gyagiengz caemhguh aen gwzgiz lienzhab hwnqguh henzgyaiq swngj caeuq swngj, guh gij hozdung mizgven, coicaenh “ndoi sam sengj” gak minzcuz “sam gyau”. Aeu yungh baez hozdung neix guh gihvei youqgaenj, doengz sim doengz hingz, gyagiengz vwnzva gyauhliuz, coicaenh gij vwnz- va nyinhdoengz “ndoi sam sengj”,caemhsim couqmaenh gij eiqsik caez- caemh Cunghvaz Minzcuz.

Ngoenzde，gyoengqvunz camgya hozdung haenx lij cazyawj aen ranz- senhconz vwnzva Danenz Yangh, bae roxyiuj gij ginglig hwngfat caeuq gij cingzgvang minzcuz vwnzva hwngfat aen yangh neix. Vwnzyi vanjvei caeuq baijgai doxgaiq reihnaz doengzseiz guh， yienhciengz nauhyied dangqmaz. Doenggvaq yienjheiq baijok Yungzsuij gak minzcuz conzdungj vwnzva caeuq cwngzgoj hong cauhmoq lijyouz coi “sam gyau”. Baijgai doxgaiq reihnaz gya’gvangq miengloh siugai, coicaenh gij yangh cin aen yienh henzgyawj ginghci baedauq, caemhguh ranz- mbanj vuenyungz caemh fouqmiz.

（荣珍珏 / Yungz Cinhgez 黄诚/Vangz Cwngz）