Baezde dauqbae, gou caeuq lwgnyez naengh cidabah bae, dahgux youq yienhsingz ciep dou. Gag boux vunz ndeu daiq boux lwgnyez seiq bi caeuq boux lwgnyez caet bi okdou, lij dawz aen sieng coux doxgaiq, gou sim mbouj an mbouj onj. Lwgnyez lij iq, okdou youq rog lau gyoengqde luenh buet, ndigah baezbaez daengz camhci, gou cungj ra boux guhhong bangcoh. Boux guhhong couh daiq dou bae cawx biuqci, daiq dou bae diengzhaex, mboujgvaq gou mbouj gamj daiq lwgnyez ok camhci, ndigah ngoenzneix yaek gwn ganliengz guh donq.

Ma daengz ranz, daxboh angq dangqmaz, baez hai bak gangjvah, couh daejsaekwk. De mbouj gamj cam gou lwgda baenzlawz yiengh, cij naeuz coenz ndeu: “Dauqma couh ndei.” Neix dwg gou yawj mbouj raen le, baez daih’it raen daxboh. De song bi neix hix ndang bingh indot youq mbouj baenz saekdi, ndokgagoek vaih dai, mboengqgonq ngamq guh baez soujsuz hung ndeu, byaij roen lij deng gaem dwngx.

Ngoenz daihngeih, yahgux couh daiq gaeqdoj gag ciengx daeuj yawj gou. Yahgux dwg dahnuengx daxgoeng gou, couh haq youq mbanj nden. Raennaj gou, de daej beij gou lij haenq, daej gou minghyinh haemzhoj, daej bohmbwn doiq gou mbouj goeng- bingz. Daxmeh youq gou cib geij bi seiz, couh baenz bingh dai bae lo, doeklaeng daxbuz youh baenz gij bingh nienzlaux ngawzngoengq, mbouj geij nanz hix gvaqseiq lo. Haujlai bi daeuj, yahgux cungj gig ndiepgyaez gou.

Daej dingz le, yahgux raen song boux lwgnyez dwggyaez, youh naeuz gou yaek giengiengz, heuh gou yawj naj song daeg lwg, itdingh aeu gwn ndei youq ndei. De laeglemx daj ndaw daeh dawz ok yiengh doxgaiq gengged ndeu oet hawj gou, gig saenzmaed doiq gou naeuz, neix dwg de cienmonz bang gou gouz ndaej daeuj, danghnaeuz lwgda mbouj baenz youq, couh menhmenh gvet baez ndeu. Yahgux naeuz yiengh doxgaiq neix lingz dangqmaz, heuh gou itdingh yaek sawqsawq, saeklaeuq ngoenzlawz lwgda youh yawj ndaej raen ne? Lizbae seiz, de nyengh oet song bak maenz ngaenz hawj gou, gou siengj gyaep de, hoeng gyaep mbouj ndaej, yahgux gaenq bae gyae lo.

Ma ranz ngoenzhaenx, dahgux gietdingh hai ci soengq dou sam meh lwg dauqma, liuxcix sikhaek ganj dauqma hwnjban. Gou bonjlaiz mbouj doengzeiq, roen gyae lai, gyoengqde ndaw ngoenz ndeu baebae dauqdauq dwgrengz lai, euq mbouj ndaej, gyoengqde baenzlawz cungj yaek soengq. Yahgux caetcib lai bi hix itdingh yaek caez bae. Yahgux song diuz ga baenz binghfungcaep, bingzciengz byaij loq nanz di cungj hojsouh, engqlij yaek naengh youq ndaw ci baenzlai nanz, gou lau de dingj mbouj ndaej. Yahgux cix yungh banhfap gik gou, de naeuz: “Mwngz dwg mbouj dwg mbouj siengj hawj gou bae ranz mwngz? Roxnaeuz baihde haephangz mwngz, mwngz mbouj gamj hawj dou rox?”

Mbouj miz banhfap, yahlaux neix, gou caen euq mbouj gvaq de, baenzneix couh bae ba, couh dangbaenz bae youz guhcaemz soengsim lo. Youq gwnz ci, yahgux danqheiq naeuz: Nuengx ya, mwngz vihmaz yaek haq baenzneix gyae? Danghnaeuz liz ranz gyawj di, gou couh ndaej ciengzseiz bae yawj mwngz lo.” Dingq yahgux baenzneix gangj, gou roxnyinh engq hojsouh lo, gou nyienh de ndaq gou donq ndeu, baenzneix lauheiq gou ndaw sim lai soeng di.

Caet aen cung nanzned gvaqbae le, dou dauqdaej ma daengz ranz lo. Baez roengz ci, boux yahlaux neix ganj mbouj gib gwn gaemz raemx ndeu, mbouj yietnaiq saek di, gyoengq dahgux youh yaek baema lo, aenvih gaenq daengz banringzgvaq haj diemj cung lo, caiq mbouj bae, haemhneix couh yaek gyanghwnz hai ci lo. Yaek lizbae seiz, yahgux rag fwngz gou, vah naek cingz laeg naeuz: “Nuengx ha, baezlaeng mbouj miz maz saeh couh gaej baema ranzmeh dem lo.” Gangj sat, de cienqlaeng hwnj ci lizbae. Gou ndwn youq dieggaeuq, raemxda doek- swdswd.

Baezde gvaqlaeng, gou seiq bi cungj mbouj dauqma ranzmeh, gizsaed mbouj dwg aenvih yahgux gangj coenz vah haenx, cix dwg gou geij bi neix saedcaih ndaw daeh mbouj miz saek faen ngaenz, mbouj siengj baema hawj vunzranz simfanz. Baez- baez hagdangz cuengqgyaj, song boux lwgnyez dwk dienhvah hawj goengda gyoengqde, daxboh cungj cam: “Cuengqgyaj lo dauq mbouj dauq, daxgoeng daiq sou bae youzraemx.” Gou gaenq haujlai nanz mbouj raen vunzcaen lo, ndaw sim siengj dauqma, hoeng ndaw daeh byouqbyangq, youh mbouj miz naj dauqma. Daegnuengx aiq yawj ok gou dwgrengz, 2023 nienz aen gyajseizhwngq, de hai ci daeuj daengz Fungsanh Yen, ciep gou caeuq lwgnyez baema.

Baezneix ma ranzmeh, gou mbouj lwnh yahgux nyi, hoeng ngoenz daihngeih haetromh, de cix gag hai aen ci sam loek dauqma lo. Raen gou seiz, de gig sim’angq, de naeuz, “gvaiq mbouj ndaej haemhlwenz loq raen mwngz, gou couh dwg dauqma bungqbungq yinhheiq, ngeix mbouj daengz mwngz caen ma ranz dahraix.”

Yahgux gaenq caetcib haj bi lo, song bi neix binghfungcaep nyoegnyamx de hojsouh raixcaix, byaij roen cungj mizdi gunnanz, bingzciengz mbouj miz maz saeh gaenq gig noix ma ranz lo. Hoeng haemhlwenz loq raen gou, de nyaenx song diuz ga inget dauqma bungqbungq yinhheiq. Gizsaed, gou gvaq ndaej haemq ndei, hix beij gaxgonq lai biz haujlai, hoeng yahgux yawj gou, cungj roxnyinh gou byom lo. Gou yied naeuz gou gvaq ndaej ndei, raemxda de cix doek ndaej yied haenq.

（4）

那次回去，我和孩子坐大巴出发，姑姑在县城接我们。独自带着一个四岁孩子和一个七岁孩子出门，还要拿着一个行李箱，我心里很是忐忑。孩子还小，出门在外怕他们乱跑，所以每次到车站，我都会寻求工作人员的帮忙。工作人员会带我们去买车票，带我们上厕所，只是我不敢带孩子出车站，所以这一天要靠干粮度过。

回到家，爸爸很是高兴，一开口说话，却哽咽了。他不敢问我眼睛的近况，只说了一句：“回来就好。”这是我看不见后，第一次见到爸爸。他这两年也深受病痛的折磨，股骨坏死，前段时间才刚做了一场大手术，走路还需要靠拐杖。

第二天，姑婆就带着自家养的土鸡来看我了。姑婆是我爷爷的妹妹，就嫁在隔壁村。见到我，她哭得比我还凶，哭我命运多舛，哭老天不公。妈妈在我十几岁时，就因病去世了，

后来奶奶又得了老年痴呆症，不久后也离开了人世。这么多年来，姑婆对我一直都很疼爱。

哭完后，姑婆看到两个可爱的孩子，又叫我坚强，叫我看在两个儿子的份上，一定要好好生活。她偷偷从兜里拿出一个硬硬的东西塞给我，神秘地对我说，这是她专门帮我求来的，如果眼睛不舒服了，就轻轻地刮一刮。姑婆说这个东西很灵，叫我一定要试试，万一哪一天眼睛又能看见了呢？走的时候，她硬是塞给我二百块钱，我想追她，可是我追不上，姑婆已经走远了。

返程那天，姑姑决定开车送我们母子三人回家，然后立马赶回来上班。我本来是不同意的，路程太远，她们一天往返来回实在太辛苦，无奈她们很坚决。七十多岁的姑婆也坚持要一起去。姑婆的双腿患有风湿病，平时走久一点都困难，更何况要在车里待那么久，我怕她吃不消。姑婆却对我用起了激将法，她说：“你是不是不想给我去你家？还是那边有人欺负你，你不敢让我们知道？”

没办法，这小老太太，我实在拗不过她，那就去吧，就当旅游散心了。在车上，姑婆感慨地说：“妮呀，你为什么要嫁那么远？如果离家近一点，我就可以经常去看你了。”听到姑婆这样说，我心里更难受了，我宁愿她骂我一场，这样或许我心里还会好过一点。

漫长的七个小时之后，我们终于到家了。一下车，这个小老太太来不及喝一口水，就马不停蹄地把我们家参观了个遍。还没来得及好好休息一下，姑姑们又要返程了，因为已经到下午五点钟了，再不走，晚上就要开夜车了。临走时，姑婆拉着我的手，语重心长地说：“妮啊，以后没什么事就别回娘家了。”说完，她转身上车离去。我站在原地，泪流满面。

那次之后，我四年都没回过娘家，其实不是因为姑婆说的那句话，而是我这几年确实囊中羞涩，不想回去给家人添麻烦。每次学校放假，两个孩子打电话给他们的外公，爸爸总是问：“放假了要不要回来，外公带你们去游泳。”我已经很久没见到亲人了，心里很想回去，可口袋空空，又不好意思回去。弟弟可能是看出了我的窘迫，2023年暑假，他开车来到凤山县，把我和孩子接了回去。

这一次回娘家，我没有告诉姑婆，但是第二天一大早，她却自己开着三轮车回来了。见到我，姑婆很高兴，她说，“怪不得昨天晚上梦到你了，我就是回来碰碰运气，没想到你真的回来了。”

姑婆已经七十五岁了，这两年风湿病把她折磨得够呛，走路都有些困难，平时没有什么事都已经很少回来了。但是昨晚梦到我，她忍着双腿疼痛回来碰碰运气。其实，我过得挺好的，人也比之前胖了一圈，但在姑婆眼中，老是觉得我瘦了。我越是说我过得很好，她的眼泪就流得越凶。