Bonjbauq siusik(gicej Veiz Yingjcinh Cangh Sinhyiz) 10 nyied 23 hauh, “gauhyenz lai saek·rizsienq seizgan——bak bi Gveicouh banjveh cunzyouz langhbaij”（camh Nanz- ningz） youq Gvangjsih Minzcuz Boz- vuzgvanj haimuq.

Baez langhbaij neix youz Guek- gya Yisuz Gihginh Gvanjlij Cunghsinh cijdauj, youz Gveicouh Swhfan Yozyen、Gvangjsih Minzcuz Bozvuz- gvanj、Gveicouh Swngj Minzcuz Bozvuzgvanj cawjbanh, Gveicouh Meijsuzgvanj、Cunhyi Si Meijsuzgvanj、Cangzsah Swhfan Yozyen Meijsuz- gvanj、Swconh Swngj Meijsuzgvanj lienzhab ciepbanh. Muzdiz dwg doenggvaq langhbaij banjveh cozbinj minzcuz daezcaiz Gveicouh bak bi doxdaeuj okdaeuj, hawj bouxyawj roxnyinh gij minzcuz vwnzva caeuq gij cingsaenz minzcuz doxgiet ndawde hamz miz de, coicaenh gak minzcuz vwnzva doxgyau caeuq roxyiuj, doidoengh swnjcienz caeuq hwngfat gij vwnzva ciuhgeq maenhndei minz- cuz Cungguek.

Baezneix gungh langhbaij cozbinj 100 fuk, faen baenz “riuzhaeuj daengz hwnghwnj”“caprag daengz baenzsug”“baihsae daengz baihnaj”“hoengh- vuengh daengz hwngfat” seiq aen cawjdaez, langhbaij yaek guh daengz 2025 nienz 1 nyied 5 hauh.

Haimuqsik le, lij guh yozsuz yenzdaujvei cawjdaez dwg “gij gvanhaeh lizsij banjveh Gveicouh bak bi caeuq gij eiqsik caezcaemh Cunghvaz Minzcuz”, gak dieg yisuz- gyah yaenglwnh le gij fuengyiengq banjveh coglaeng hwngfat, caeuq baenzlawz swnjcienz caeuq doigvangq ndei banjveh vwnzva doengzseiz, caenh’itbouh giengzvaq gij eiqsik caezcaemh Cunghvaz Minzcuz, doi- doengh vwnzva hwngfat hoengh- vuengh, coicaenh vwnzva gagsaenq caeuq minzcuz doxgiet.

Ciuq cam rox, banjveh yisuz dwg cungj yisuz biujyienh hingzsik youqgaenj ndeu, itloh doxdaeuj youq Cungguek yisuzgai miz diegvih daegbied, de aeu sienqdiuz、saek daengj yenzsu lwnh yisuzgyah guhlawz ngeixnaemj ndwenngoenz、vwnzva caeuq seizdaih, miz vwnzva neihanz caeuq yisuz gyaciz lai raeuh.