Gicej mboengqneix daj Nanz- ningz Haijgvanh roxyiuj, bineix sam geiqdoh gonq, Gvangjsih vaimou huq cincuzgouj dij 5217.7 ik maenz, doengzbeij demmaj 9.1%.

Geij bi neix daeuj, Gvangjsih caeuq aen guekgya caezhwnq “it rangh it loh” gaicawx baedauq laeb- daeb hoenghhwd, cincuzgouj bauj- maenh demmaj. Sam geiqdoh gonq, Gvangjsih caeuq aen guekgya caez- hwnq “it rangh it loh” cincuzgouj 3936.5 ik maenz, doengzbeij dem- maj 14.7%, hawj Gvangjsih vaimou hwngfat miz cengjdingx rengzrwd.

Daj guekgya caeuq digih yawj, sam geiqdoh gonq caeuq Yeznanz cincuzgouj 2120.8 ik maenz, doengz- beij demmaj 22%, caeuq Feihcouh、Nanzya digih aen guekgya caezhwnq “it rangh it loh” cincuzgouj doengzbeij faenbied demmaj 14.9%、 4.7%. Daj huq daeuj yawj, gozcanj heiqci nwngzyenz moq ci ndei youh bienz- ngeiz, ndaej daengz gyoengq vunz guek rog haengjgyaez, daiqdoengh Gvangjsih mizgven canjbinj cuzgouj demmaj. Sam geiqdoh gonq, Gvangjsih caeuq aen guekgya caezhwnq “it rangh it loh” cuzgouj lijdenciz、heiqci dendung doengzbeij faenbied demmaj 237.4%、13.9%.

Riengz hawciengz guek rog aeuyungh laebdaeb hwnjsang, gih raeuz giyez mboujduenh gyalai rengz yenzfaz canjbinj、gya’gvangq haw- ciengz guek rog. Sam geiqdoh gonq, Gvangjsih gihden、lauzdung miz- cizhingz canjbinj cuzgouj baujmaenh demmaj, faenbied cuzgouj 1645.3 ik maenz、505.7 ik maenz, doengzbeij faenbied demmaj 18.5%、22%. Ndaw- de, dengungh gicaiz、doenghyiengh- daemj、denswj yenzgen、heiqci、huq suliu guh cuzgouj baujmaenh demmaj song vih soq, demmaj fukdoh faenbied dwg 56.6%、16.3%、49.8%、12.4%、57.4%； huq ceij guh、gang、gihbwnj youjgih vayozbinj faenbied cuzgouj 74.5 ik maenz、19.7 ik maenz、18.3 ik maenz, doengzbeij faenbied demmaj 54%、71.9%、25.5%。

Bineix doxdaeuj, Gvangjsih gyalai cujciz giyez camgya gak loih gozci canjvei, vih giyez daezhawj aen seizgei langhbaij canjbinj、gya’gvangq hawciengz, minzyingz giyez gyavaiq yamqdin “byaij okbae”, cincuzgouj laebdaeb demmaj. Sam geiqdoh gonq, Gvangjsih minzyingz giyez cincuzgouj 3578.5 ik maenz, doengzbeij demmaj 24.7%.

(daj 《Gvangjsih Yizbau》 aeu daeuj hoiz Loz Cing Vangz Yajmeiz)