本来以为这些都是孩子们为了不让我伤心，说的宽慰话，直到那一次，学校组织亲子教育活动，两个孩子都很希望我能去参加。可是我害怕，去到学校让同学们知道他们有一个盲人妈妈，会被嘲笑。那天，我去买菜回来的路上，正好遇到儿子同学的母亲叫我一起去学校看看，我有点心动，就跟着她去了学校。本来只想默默地站在后面，静静听着就好，到了表白环节，两个儿子竟不约而同地飞奔上台。主持人告诉孩子，要大声对表白的人喊出“我爱你”三个字，如果人没有上来就不可以停。

听到孩子的一声声“妈妈，我爱你”，我既着急又心疼，他们都不确定我有没有来，却仍然不愿放弃。我好想飞奔上台，可是拿出盲杖没走几步，就失去了方向感，是其他家长把我送到了舞台中央。

两个孩子见到我，很是高兴，飞奔到我怀里紧紧把我抱住，不知不觉中我已泪流满面。那一次之后，我才明白，无论我是健康的妈妈，还是双目失明的妈妈，只要爱他们，我就是最好的妈妈。从那之后，我也深知，只有我变好了，孩子们才会更好。

大宝小宝

转眼间，大宝已经上五年级了，我失明那年，他才五岁半。这几年，罗先生一直在外省打工，一年也就过年回家一次，我要自己带着两个年幼的孩子生活，其实内心是绝望的。

每次外出，感觉大宝才是大人，我反而像个孩子。他小小的手牵着我，不仅自己要走路，还要提醒我哪里有坑，哪里有坎，周围有什么东西，就像他小时候我教他讲话、学步一样有耐心。有次走在路上，大宝突然很伤感地说：“好羡慕堂哥堂姐，他们每天都有爸爸妈妈陪在身边。”我听后很是心酸，因为遇上了我这样的妈妈，小小年纪的大宝，硬生生被逼成了男子汉，虽然有时候也有小情绪，但他从没舍得放开我的手。

小宝也上了小学后，我独处的时间越来越多，每天两个孩子都上学后，基本上就没有人和我说话了，除了必要的采购外，其他时间我几乎与这个世界隔绝。孤独如同通往未知世界的黑洞，将我笼罩。两个孩子在家的只言片语就成了我一天里最盼望的温暖。

记得小宝刚上小学那会儿，一到家，他都要先去检查我的鞋子，看看我今天有没有自己一个人出门。接下来就是灵魂拷问：妈妈，你今天吃了什么？几点吃的？煮得好不好吃？甚至他会要求我留一点菜给他。大宝和小宝中午跟早上都在学校吃，我知道他不是因为肚子饿，而是怕我一个人在家，没有吃东西。每次小宝巡视完毕，都会用小大人似的口吻对我说，妈妈，你有什么事情可以等我们回来再做，千万不要一个人出门，知道吗？

听了小宝的话，我的眼泪就不争气地在眼眶里打转，这本应该是我的角色，却被一个孩子给抢了。我既欣慰又害怕。欣慰的是，孩子懂事，听话孝顺。害怕的是，往后余生，我都是孩子的羁绊，是孩子的负担。我渴望找到一种方式，可以摆脱这种对孩子的依赖，于是我开始密切关注盲人可以做的兼职，希望能通过这样的方式，翻过自己内心那道墙，开辟一条属于自己的路。可惜，总是一无所获。我知道盲人能做的工作，似乎就只有盲人按摩了，可孩子还小，我不能把他们丢在家里，独自去外面工作。于是我想到了神通广大的互联网，想到了无所不能的度娘。

我让大宝在网上帮我搜索，盲人是如何用手机的。发现原来别人都是套装读屏软件，用耳朵听就可以用手机，可是读屏软件并不是每一款手机都支持，于是，我跟罗先生商量，能不能帮我买一部能装读屏软件的手机。虽然罗先生的经济压力很大，但还是攒钱给我买了一部小米手机，正是这部手机，拓宽了我的世界。

Yienzbonj laihnaeuz doengh gijneix cungj dwg lwgnyez vihliux yaek mbouj hawj gou siengsim, gangj gij vah nai gou, itcig daengz baezde, hagdangz cujciz bohmeh caeuq lwgnyez caez guh hozdung son’gyauq, song boux lwgnyez cungj gig muengh gou ndaej bae camgya. Hoeng gou lau, bae daengz hagdangz deng gyoengq doengzhag rox gyoengqde miz boux meh dafangz ndeu, yaek deng vunz riugae. Ngoenzhaenx, gou youq byongh roen cawx byaek dauqma, cingqngamj bungzraen daxmeh doengzhag daeg lwg heuh gou caez bae hagdangz yawjyawj, gou mizdi simdoengh, couh riengz de bae hagdangz lo. Bonjlaiz cij siengj laeglemx ndwn youq baihlaeng, dinghdingh dingq couh ndaej, daengz seiz gangj ok vah ndaw sim, song daeg lwg mbouj iu cix doengzcaez buet daengz gwnz daiz. Bouxcujciz lwnh lwgnyez, yaek daihsing doiq bouxvunz mwngz yaek gangj ok vah ndaw sim hemq naeuz “gou gyaez mwngz” sam cih neix, danghnaeuz mbouj miz vunz hwnjdaeuj couh mbouj ndaej dingz.

Dingq daengz gyoengq lwgnyez sing dem sing “daxmeh, gou gyaez mwngz”, gou gaenjgip youh sim’in, gyoengqde cungj mbouj doekdingh gou daeuj mbouj daeuj, hoeng ciuqyiengh lij yaek baenzneix guh. Gou caen siengj buet hwnj gwnz daiz bae, hoeng gou dawz ok diuz dwngx byaij mbouj ndaej geij yamq, couh ra mbouj dawz fuengyiengq, dwg boux gyahcangj wnq daiq gou bae daengz gwnz cungqgyang daizheiq.

Song boux lwgnyez raen gou, sim’angq dangqmaz, buet vaiqvit daengz ndaw rungj gou got gou ndaetndet, mbouj nyinh mbouj rox, raemxda lae doh naj gou. Baezde gvaqlaeng, gou cij rox, mboujlwnh gou dwg daxmeh ndangcangq, roxnaeuz dwg daxmeh song da gaenq fangz, cijaeu gyaez gyoengqde, gou couh dwg boux daxmeh ceiq ndei ndeu. Daj baezhaenx hwnj, gou gaenq rox, cijmiz gou bienq ndei le, gyoengq lwgnyez gou cij ndaej engq ndei.

Lwgdaeuz Lwg’iq

Yaepyet, lwgdaeuz gaenq hwnj haj nienzgaep lo, gou dafangz bihaenx, de ngamq haj bi buenq. Geij bi neix, Loz sienseng itcig youq rog sengj dajgoeng, baenz bi couh dwg gvaq cieng ma ranz baez ndeu, gou gag daiq song boux lwgnyez youq, gizsaed gou mbouj raen miz gijmaz muengh.

Baezbaez ok rog bae, roxnyinh lwgdaeuz cij dwg vunzlaux, gou dauqfanj lumj boux lwgnyez ndeu. Faj fwngz iqet de yien gou, mboujdan swhgeij yaek byaij roen, lij yaek daezsingj gou gizlawz miz gumz, gizlawz miz congh, seiqhenz miz gijmaz doxgaiq, couh lumj de lij iq seiz gou son de gangj vah、hag byaij ityiengh miz naihsim. Miz baez ndeu youq gwnz roen, lwgdaeuz sawqmwh gig siengsim naeuz: “Caen hozhaenz daeggo dahcej, gyoengqde ngoenzngoenz cungj miz daxboh daxmeh buenx.” Gou dingq le gig hojsouh, aenvih bungz daengz boux daxmeh gou baenzneix, lwgdaeuz nienzgeij iqet, nyengh deng bik baenz boux vunzsai ak ndeu, yienznaeuz mizseiz de hix mizdi nyapnyuk, hoeng de coengzlaiz mbouj sij cuengq soeng faj fwngz gou.

Lwg’iq hix doeg siujyoz le, gou gag boux vunz dog youq yied daeuj yied lai, ngoenznaengz song boux lwgnyez cungj bae hagdangz le, ca mbouj geijlai couh mbouj miz vunz caeuq gou gangj vah dem lo, cawzliux gij doxgaiq itdingh yaek aeu bae cawx, youq seizlawz gou ca mbouj geijlai caeuq aen seiqgyaiq neix doxgek. Dandog lumjbaenz congh gamj laep doeng coh aen seiqgyaiq liuh mbouj daengz, cwgoemq gou liux. Song boux lwgnyez youq ranz mwngz coenz gou coenz, hawj gou moix ngoenz ceiq maqmuengh ndaej raeujsim.

Geiqndaej lwg’iq ngamq hwnj siujyoz seiz- haenx, baez ma daengz ranz, de cungj dwg bae cazyawj gouh haiz gou gonq, yawjyawj gou ngoenz- neix dwg mbouj dwg gag boux vunz ndeu ok dou bae. Ciep roengzdaeuj couh dwg saemjcam: Daxmeh, mwngz ngoenzneix gwn gijmaz la? Geijlai diemj cung gwn? Cawj baenz mbouj baenz gwn ne? De engqlij heuh gou ce di byaek ndeu hawj de. Lwgdaeuz caeuq lwg’iq banringz nem gyanghaet cungj youq hagdangz gwn, gou rox de mbouj dwg aenvih dungx iek, cix dwg lau gou boux vunz dog youq ranz, mbouj miz doxgaiq gwn. Baezbaez lwg’iq cunzyawj sat le, cungj dwg yiengh lumj vunzlaux nei doiq gou naeuz, daxmeh, mwngz miz gijmaz saeh ndaej caj dou ma daengz ranz menh guh, ciengeiz gaej boux vunz ndeu ok dou bae, rox lwi?

Dingq le gij vah lwg’iq, raemxda gou youq ndaw gvaengzda baenqcienj, neix bonjlaiz wnggai dwg gij saeh gou guh, hoeng cix deng boux lwgnyez iq ndeu ciengj bae lo. Gou simnaiq youh yieplau. Simnaiq dwg, lwgnyez roxsoq, dingqvah hauqswnh. Yieplau dwg, ciuhvunz neix, gou cungj dwg hawj lwgnyez gazlaengz, hawj lwgnyez gya rapnaek. Gou maqmuengh ra ok cungj fuengsik ndeu, ndaej gaij bae baenzneix ingbaengh lwgnyez, yienghneix gou hainduj gig gvansim gij hong boux dafangz ndaej gamguh haenx, maqmuengh ndaej yungh cungj fuengsik neix, hamj gvaq gij gazngaih ndaw sim, hai ok diuz roenloh swhgeij ndaej byaij doeng. Hojsik, cungj ra mbouj raen saek yiengh hong ndaej guh. Gou rox gij hong boux dafangz ndaej guh, ca mbouj geijlai couh dan miz boux dafangz soengndok lo, hoeng lwgnyez lij iq, gou mbouj ndaej vut gyoengqde gag youq ndaw ranz, gag boux vunz ndeu okbae guh hong. Baenzneix gou ngeix daengz le aen vangj- doxlienz yienghyiengh cungj rox, ngeix daengz le Bakdoh gijmaz cungj guh ndaej.

Gou hawj lwgdaeuz youq gwnz vangj bang gou saeujra, boux dafangz dwg baenzlawz yungh soujgih. Fatyienh laxlawz vunz cungj dwg ancang aen yonjgen doeg bingzmuq, aeu rwz dingq couh ndaej yungh soujgih, hoeng aen yonjgen doeg bingzmuq mbouj dwg aen soujgih lawz cungj yungh ndaej, yienghneix, gou caeuq Loz sienseng doxyaeng, ndaej mbouj ndaej bang gou cawx aen soujgih ndaej cang aen yonjgen doeg bingzmuq ndeu. Yienznaeuz Loz sienseng mbouj miz maz cienz, hoeng lij dwg rom cienz cawx aen soujgih Siujmij ndeu hawj gou, cingq dwg aen soujgih neix, mbe’gvangq seiqgyaiq gou lo.

（2）