Ngoenzgyaj gozging, vunzlai gag haici okrog baeyouz hoenghhwd, Gvangjsih gauhsuz goengloh ci haeuj- ok daengz 2837.65 fanh aenbaez. Gicej geij ngoenz gonq cam rox, Gvangjsih gauhsuz goengloh bouh- monz vih baujmaenh ngoenzgyaj hung cungdienh miz baujcang, daengx gih gauhsuz goengloh gaenq hwnqbaenz fuzvugih dieg cungdienh 406 aen (mbiengj dog), donghcungdienh 4392 aen, saedyienh gauhsuz goengloh fuzvugih donghcungdienh 100% miz liux, yawhsuenq bineix yaek gyalai mbouj noix gvaq 800 aen dongh- cungdienh; daengx gih gauhsuz goengloh hwnqbaenz doiqrog hai- cuengq camhsoucienz dieg cungdienh 8 aen, donghcungdienh 42 aen, ndaej hoizsoeng gij atlig cungdienh ndaw fuzvugih.

Geij bi neix doxdaeuj, miz yied daeuj yied lai vunz yungh heiqci nwngzyenz moq, boux hai ci nwngz- yenz moq aeuyungh cungdienh vuenh- dienh hix ngoenz lai gvaq ngoenz. Vih caenh’itbouh hawj boux hai ci nwngzyenz moq noix you, Gvangjsih gauhsuz goengloh bouhmonz gyavaiq cauhlaeb aen muengx vaiqcung gauhsuz goengloh baijbouh hab- leix、goengnaengz caezcienz、cinwngz gauhyau.

Youq gwnz giekdaej daengx gih gauhsuz goengloh fuzvugih dongh- cungdienh 100% miz liux, Gvangjsih gauhsuz goengloh bouhmonz caenh- itbouh gyalai guhndei baijbouh dieg cungdienh, gujli aen camhsoucienz miz diuzgen de yungh dieg hoengq hwnqguh gaiq cungdienh. Laebdaeb gyagiengz cungdienh sezsih gaijcauh swnggaep, gujli yungh gij dinfwngz vaiqcung.(Vangz Yenjlaiz Cau Yajli)