Sinhvazse Baekging 10 nyied 10 hauh dienh Youq mwh ciet gouj nyied cogouj ngoenzciet conzdungj Cunghvaz Minzcuz daeuj daengz gaxgonq, Cunghgung Cunghyangh cungjsuhgi、Guekgya cujsiz、Cungh- yangh Ginhveij cujsiz Siz Ginbingz hoizsaenq hawj “yinzlingz hengz- doengh” boux daibyauj bouxgag- nyienh bouxlaux, caenciet yienq- mienx gyoengqde, caensim camnai bouxlaux daengx guek.

Siz Ginbingz naeuz, lai bi doxdaeuj, caezgya gaenxmaenx cam- gya gagnyienh fugsaeh hozdung, yungh gij hag ndaej gij bonjsaeh ak fugsaeh gihcwngz、fugsaeh vunzlai、cienzndenq naengzliengh cingq hawj ndawbiengz, langhbaij gij yienghsiengq cingsaenz bouxlaux Cungguek seizdaih moq.

Siz Ginbingz daegbied gangj daengz, bouxlaux dwg gij caizfouq dijbauj dangj caeuq guekgya. Maq- muengh gyoengq bouxlaux bauj miz aen sim caeuq gij cingsaenz baenaj geq le lij miz rengz， gawq aeu geq miz baengh ciengx、geq miz gaiq angq, youh aeu geq lij guh ndaej, vih doi- caenh gij yendaiva yiengh Cungguek ok “goengzrengz byoemhau”. Gak gaep dangjveij caeuq cwngfuj aeu yawjnaek hong bouxlaux, comzyawj gij vwndiz gaenj nanz nyap muengh bouxlaux, laebcaez cwngcwz banhfap, cauh seiq- henz aen biengz ndei, dawz ndwen- ngoenz bouxlaux baujcang ndei、coz- yung fatok ndei、gienzik henhoh ndei.

“Yinzlingz hengzdoengh” dwg aen hozdung bouxlaux gagnyienh fugsaeh youz Daengx Guek Lauj- lingzveij youq 2003 nienz hainduj guh, cujyau dwg cujciz gak gizdieg boux lauxhangz geq、boux gyausou geq haeujcoengh dieg mbouj fatdad. Daengz seizneix, daengx guek boux- gagnyienh bouxlaux camgya “yinzlingz hengzdoengh” gungh miz 700 lai fanh vunzbaez, guh bangcoengh hanghmoeg 4000 lai aen, “yinzlingz hengzdoengh” gaenq baenz aen bingzdaiz youqgaenj hawj bouxlaux geq lij ok goengrengz ndaej ndawde aen ndeu. Mboengq- neix, “yinzlingz hengzdoengh” boux daibyauj bouxgagnyienh bouxlaux raiz saenq hawj Siz Ginbingz cungjsuhgi, lwnh gij cingzgvang camgya gagnyienh fugsaeh, gangjok aen gietsim fatok cienciengz、hoizbauq ndawbiengz, vih doicaenh gij yendaiva yiengh Cung- guek ok goengrengz.