Bineix doxdaeuj, Fangzcwngz- gangj Si genhciz aeu couqmaenh gij eiqsik caezcaemh Cunghvaz Minzcuz guh sienqmeh, bae saedguh hozdung lwnhgangj gyauyuz, hozdung neiyungz lai、hingzsik hix lai, doidoengh gak cuz ginzcung giendingh“haj aen nyinhdoengz”, laebmaenh aen leix- niemh caezcaemh “seiq aen dox- caemh”, gietsim comzrengz vih doidoengh hwnqguh aen ranzmbanj cingsaenz caemhmiz Cunghvaz Minz- cuz ok gij ligliengh Fangzcwngzgangj. Daengz bineix 9 nyied, daengx si cauhbaenz aen dieggiek yenzgiu gij eiqsik caezcaemh Cunghvaz Minzcuz ndeu, cibngeih aen dieggiek saedguh gyauyuz, gungh hwnqguh betcib sam aen cawjdaez gunghyenz、gaiqdap doengzsim vwnzva、 dieg baeyouz ndei, an coh hawj hajcib caet aen “gunghgung vwnzva fugsaeh + baujhoh feihyiz + minzcuz doxgiet baenaj” dieggiek cienzciep gyauyuz, vih hwnqguh aen ranzmbanj cing- saenz caemhmiz Cunghvaz Minzcuz dwk roengz giekdaej maenhsaed.

It dwg cujciz gak gaep dangjyenz ganbu gihgvanh guh hingzsik lai yiengh hagsib gyauyuz sonlienh、cawjdaez hozdung ngoenzdangj bae couqmaenh gij eiqsik caezcaemh Cunghvaz Minzcuz, mboujduenh gyalaeg roxyiuj caeuq gaemdawz gij swhsiengj youqgaenj Siz Ginbingz cungjsuhgi gvendaengz gyagiengz caeuq gaijndei hong minzcuz. Ngeih dwg hagdangz guh ndei mwh nyezrauh “majhung youqgaenj”, hwnqguh hagdangz baenz aen cindi cujyau couqmaenh gij eiqsik caezcaemh Cunghvaz Minzcuz. Sam dwg segih yawjnaek laebbaenz aen sevei gezgou doxsaeb caeuq segih seiq henz, coicaenh gak minzcuz youq ndaw- hoengq、vwnzva、ginghci、sevei、ndawsim daengj cienzmienh saeb- haeuj. Seiq dwg giyez nab couq- maenh gij eiqsik caezcaemh Cunghvaz Minzcuz haeuj ndaw giyez vwnzva bae, roengzrengz cauh aen daihbuenz ranz hung lai minzcuz “samgyau” moq ndeu. Haj dwg gak loih meizdij gyagiengz guh aen ciendaez lanz- moeg couqmaenh gij eiqsik caezcaemh Cunghvaz Minzcuz, yungh ndei meizdij moq.

（陈伟才/Cinz Veijcaiz 李春梅/Lij Cunhmeiz）