Muengh daengz seizsujgyaj,

  Hagseng caj mbaq manh.

  Deq ndaej sim angqyangz,

  Haengjheiq baengh ancienz.

  Daih’it fuengz mboet raemx,

  Goet raemxdaemz mbouj guh.

  Caemx raemxdah ra hux,

  Baenzlawz luj mbouj saenq.

  Daihngeih fuengz feizndoi,

  Bae ndoeng noix byaeu feiz.

  Gwnzbiengz heu mbouj vei,

  Doenghgo ndei cij baenz.

  Daihsam fuengz bwthuj,

  Veiswngh guh haeujsim.

  Sengmingh bengz lumj gim,

  Mbouj yungh cimz nengzbingh.

  Daihseiq fuengz hux ci,

  Diuz mingh hix yawjnaek.

  Bouxboux geiq ndaw aek,

  Daezsingj baek youq sim.

  Daihhaj fuengz bungq dienh,

  Miz dienh bienh daihgya.

  Deng vunz raeh baenz cax,

  Gyoengqraeuz ngah yungh ndei.

  Baihgwnz haj diemj neix,

  Moix diuz geiq guh maenh.

  Lumj boux muengh gwndaenj,

  Gvaq ndei mbaenq sujgyaj.