Sinhvazse Baekging 9 nyied 21 hauh dienh Youq mwh aen daihcaet “ciet fungsou nungzminz Cungguek” daeuj daengz, Cunghgung Cunghyangh cungjsuhgi、Guekgya cujsiz、Cunghyangh Ginhveij cujsiz Siz Ginbingz daibyauj Dangjcunghyangh cukhoh gyoengq nungzminz daengx guek nem gyoengq vunz guh hong “sam nungz” caeuq caensim camnai gyoengqde.

Siz Ginbingz naeuz, bineix, raeuz haekfug swyenz caihaih haemq yiemzhaenq daengj mbouj leih yingjyangj, saedyienh haeuxliengz seizhah demsou、haeuxcaeux ndaej sou onjdingh, daengx bi haeuxliengz mizmuengh ndaej laisou, vih gyamaenh caeuq demgiengz yiengh ginghci dauq swng coh ndei、doidoengh hwngfat ndei saed gunghawj dingjcengj rengzrwd.

Siz Ginbingz daegbied gangj daengz, doicaenh gij yendaiva yiengh Cungguek, aeu dingjmaenh mbouj soeng cuknet gij giek nungzyez, doicaenh lajmbanj cienzmienh saenq- hwng. Gak gaep dangjveij caeuq cwngfuj aeu haeujlaeg gvancez doeksaed gij gezcwz baijbouh Dangjcunghyangh gvendaengz hong “sam nungz”, hag yungh gij gingniemh “cien fanh gunghcwngz”, cietsaed ca ndei haeuxliengz caeuq doxgaiq reihnaz youqgaenj onjdingh ancienz gunghawj, laebdaeb gyamaenh gyagvangq vut gungz gunggeng cwngzgoj, cien fueng bak geiq doidoengh nungzyez gyalai yauqik、nungzminz ndaej lai miz ngaenz roengz daeh, lajmbanj lai miz rengzhoengh, hawj nungzminz vunzlai rox gamjdoengh rox aeundaej、 caen ndaej leih’ik. Maqmuengh gyoengq nungzminz vunzlai caeuq ndawbiengz gak gyaiq cungj lai hengzdoengh hwnjdaeuj, baenz yamq baenz yamq byaij, aeu mbaw lamzdoz gyaeundei lajmbanj cienzmienh saenqhwng bienqbaenz caen, roengz giek maenhdwd hawj saedyienh nungzyez lajmbanj yendaiva、 hwnqguh aen guek ak nungzyez.