Youq bouxwnq yawj daeuj, daj siuguh laeujmakit daengz siuguh laeujhenj dwg cungj hamjyat hung ndeu. Youq mwh gou gietdingh gaij guh laeujhenj, caen miz haujlai vunz mbouj lijgaij, engqlij miz mbangj vunz gig mbouj doengzeiq dem. Doenghgij vunz neix cungj dwg sim ndei, lau gou yaepyet gaij guh laeujhenj hamj hangz hung lai, mboujyawx soengsoeng sese laebdaeb guh laeuj- makit mbouj miz fungyiemj. Caen dwg yienghneix, bi 2006 gou daengx bi soundaej gya hwnjdaeuj gaenq lai gvaq haj fanh maenz, gunghswh lij miz aen cienci feiqyungh cienzbouh bauqsiu ndeu, ciuq dauhleix gangj wnggai rox doh lo, vihmaz okdaeuj hamj hangz guh ne? Hoeng gou dwg boux vunz maij buek, doiq baezneix cauhnieb, mbouj dwg yaepseiz gyaeuj ndat, cix dwg naemj gvaq haujlai baez caeuq yungh sim gaujcaz gvaq cij dingh roengzdaeuj.

Laeujhenj Hungzvei youq gwnz giekdaej gij gisuz maenhndei siuguh laeujhenj Sauhingh conz- dungj caeuq laeujfunggang Danhyangz, giethab lizsij deihleix Gvangjsih Duh’anh daegbied miz daihdamj cauhmoq, gij dinfwngz siuguh de aeu “roek cungj fuengfap ciuhgeq cienz roengzdaeuj” guh gaengawq, youq gwnz giekdaej laeujcungzyangz Duh’anh bonjdieg yenzgiu siu baenz, supsou le gij ndei laeujhenj Cezbai caeuq Suhbai. Siu laeuj hoj, daih’it dwg guh ndo. Vahsug gangj “ndo dwg ndok laeuj”, moix cungj laeuj mizmingz, bietdingh miz gij fuengfap baexmaed guh ndo caeuq dinfwngz daegbied de. Gou caeuq yah gou ginggvaq haujlai baez sawqniemh, dauqdaej yenzgiu ok gij bingjlaeuj caeuq ndomeg gag miz, caencingq miz gij canjgienz cihsiz bonjfaenh. Mboengq gonq youq mwh gaujcaz cangjlaeuj Gveicouh, boux lauxbanj Gveicouh Cinhciuj Vuz Yangdungh sienseng miz caet coenz vah gangj haeuj sim gou bae lo: Nyinhnyinh caencaen siu laeujndei、cing deu saeq gaek caux canjbinj、cienzswnj vwnzva cauh binjbaiz、caen sim caen eiq hwnq miengloh、yungh sim maeuzveh gauj daejniemh、saedsaed caihcaih guh giyez、gamj rap cwzyin coi saenqhwnj.

Bi 2012 Cungguek Ciujyez Hezvei Laeujmakit Fwnhvei youq Baekging banh gij ginaengz gaujsi cizyez swhgwz guekgya binjciujswh, song bak lai vunz camgya gaujsi, dan miz ngeihcib ngeih vunz gauj hwnj it gaep binjciujswh, gou caijsoq ndei youq ndaw hangzlied neix miz mingz, caemhcaiq ndaej ciu guh bingzveij laeujmakloh. Bi 2015 vih gauj ndaej bingzveij laeujhenj guekgya gaep gaiq daihgouj, gou daj daengx guek gak dieg cawx daeuj gak cungj laeujhenj mauhgvaq song fanh maenz ngaenz, yungh bae geij ndwen seizgan gag cimz gag lienh, doeklaeng ginggvaq geij lwnz gaujsi raeng- cawz, caijsoq ndei ndaej dangguh Cungguek hajcib roek boux bingzveij laeujhenj guekgya gaep ndawde boux ndeu, hix dwg Gvangjsih boux dog. Neix cungfaen gangjmingz gihvei dwg louz hawj boux miz caepcawq.

Gou aeundaej doenghgij cingzcik neix, cawz bae bonjfaenh gag roengzrengz, lij miz boux yahndei doxsaenq、simndei、simvuen ndeu caeuq doiq bohmeh ndei ndeu haeujcoengh, ndaej yienghneix gangj: “Vuenyungz dwg roengzrengz guh okdaeuj, roengzrengz guh bonjndang couh dwg cungj vuenyungz ndeu.”

Daj bi 2009 buek laeujhenj Hungzveibaiz daih’it ok cangj daengz bi 2019 aeundaej “Gvangjsih cib daih mingzyouh laeujcanjbinj”, yungh bae cib bi cingjcingj, gangj ndaej hwnj dwg “cib bi muh fag giemq ndeu”. Bi 2023, gij laeujhenj Hungzveibaiz bi 2018 nienz swnghcanj、gveihgwz roekbak hauzswngh aeundaej aen ciengjgim “Gaiq Daihbet Cungguek Gozci Cinghbinj Laeujmakit Caeuq Laeujget Diuhcan Doxdax”, cingq dwg genhciz caeuq cwkrom cib bi, “cauxguh gij denjfan laeujhenj Gveibai” cij mbouj dandan dwg coenz vahgok ndeu.

Giyez miz yauqik le, banh le gak cungj hozdung goeng’ik hingzsik mbouj doengz daeuj bauqdap sevei. Goepingj bouh denyingj gikcoi vunz《Hwnq- guh Loqsiengj》aeu gij hagseng Duh’anh Gauhcungh guh dizcaiz, gunghswh gien cienz gien huq sam fanh lai maenz ngaenz; Duh’anh Gauhcungh hoh hagdangz laebbaenz bak bi, gunghswh gien cienz gien huq haj fanh lai maenz ngaenz; gien cienz gien huq hawj mbangj vunz gungzhoj lajmbanj Duh’anh……Gou saenq “cijaeu bouxboux cungj gien ok di gyaez ndeu, seiqgyaiq couh yaek bienqbaenz aen biengz gyaeundei”.

Mbanjranz Cwngyenz miz geij aen ranz gaeuqgeq haujlai nanz mbouj coih, yaek baenz ranzvaih yungyiemj, gou gig siengj doi bae dauq hwnq, hoeng yah gou aenvih cienz ndaw fwngz gaenjcieng mbouj hawj. Daj ndaw ranz huzndei hwnjdin, gou siengj caenh banhfap gangjfug yah gou. Gou doiq yah gou naeuz: “Danghnaeuz raeuz mbouj baema mbanjranz hwnq ranz, daengz mwh raeuz baema mbanjranz, lansai lanmbwk rox naeuz: Lungz baj, sou daeuj la? Danghnaeuz raeuz miz aen ranz bonjfaenh, lansai lanmbwk rox naeuz: Lungz baj, sou ma la?” Faex sang cien ciengh mbaw loenq haeuj goek, cih “daeuj” ndeu caeuq cih “ma” ndeu gingqyienz gangjfug yah gou lo!

Yah gou lij doengzeiq gou bang daegnuengx hwnq aen ranz song caengz byongh caeuq ranz dou doxlumj liuxliux ndeu. Yungh vah yah gou daeuj gangj: “Ranz bonjfaenh mbouj baet, baenzlawz baet lajbiengz? Vunz ranz bonjfaenh raeuz bang mbouj ndaej, baenzlawz bae bang engq lai vunz?” Aenvih daegnuengx mbouj doeg geijlai saw, gij dinfwngz ra gwn mizhanh, dauq hwnq ranzmoq doiq de daeuj gangj miz di hoj. Doeklaeng aenvih hawciengz, giyez yauqik miz di souh daengz yingjyangj, yah gou naeuz gou: “Raeuz dan bang de hwnq gvaenghgyaq gezgou caeuq baihrog couh ndaej lo, dou cueng hawj de gag ra cienz cang.” Gou gangj riu naeuz: “Hawj de diuz vaqmoq lo, miz mbouj miz lahlen raeuz couh guenj mbouj ndaej baenzlai lo……”

（5 sat）

在外人看来，由酿造葡萄酒到酿造黄酒是不小的跨越。在我决定改做黄酒的时候，确实有不少人不理解，甚至有些人非常反对。当然这些人都是好意，担心我一下子改做黄酒跨度太大，不如轻轻松松继续做葡萄酒没有任何风险。的确如此，2006年我的年薪加年终红包已经超过五万元，公司还配有一部费用全报的专车，按理说应该知足了，何必出来折腾？但我是个爱拼搏的人，对于这次创业，我并不是一时头脑发热，而是经过深思熟虑和细心考察而定的。

宏慧黄酒在充分吸收传统绍兴黄酒和丹阳封缸酒酿造技艺精髓的基础上，结合广西都安特有的地理历史状况大胆创新，其酿造工艺以“古遗六法”为依据，在都安本地“重阳酒”的基础上研制而成，吸收了浙派与苏派黄酒的优点。酿酒之难，首在制曲。俗话说“曲是酒之骨”，每一种名酒，必有它独特的制曲秘方和工艺，我和爱人经过无数次试验，终于研制出独有的酒饼和麦曲，真正拥有自己的知识产权。前段在贵州考察酒厂期间，贵州珍酒老板吴向东先生的七句话让我产生了共鸣：一丝不苟酿美酒、精雕细琢造产品、耕植文化创品牌、诚心诚意建渠道、精心策划搞体验、实实在在做企业、勇担责任促振兴。

2012年中国酒业协会葡萄酒分会在北京举办品酒师国家职业资格技能考试，在参加考试的二百多人中只有二十二人考上一级品酒师，我有幸在此行列，并被聘为国家级果露酒评委。2015年为了考取第九届国家级黄酒评委，我从全国各地购买了超过两万元的各种类型不同、风格迥异的黄酒，用了几个月时间自行品尝练习，最后通过几轮淘汰考试，有幸成为中国五十六位国家级黄酒评委之一，也是广西唯一一个国家级黄酒评委。这也充分说明了机会是留给有准备的人的。

我之所以取得了这些成绩，除了自己的辛勤努力，还和有个相互信任、乐善好施、性格开朗的好妻子及一对好父母是分不开的，同时也应验了一句话：“幸福都是奋斗出来的，奋斗本身就是一种幸福。”

从2009年第一批“宏慧”牌黄酒出厂到2019年获得“广西十大名优酒产品”，整整用了十年时间，可谓“十年磨一剑”。2023年，2018年份、规格为六百毫升的宏慧黄酒获得了“第八届中国国际精品葡萄酒及烈酒挑战赛”金奖，正是十年的沉淀和坚持，“打造桂派黄酒典范”才不仅仅是一句口号。

企业有效益之后，搞了各种不同形式的公益活动以回报社会。以都安高中学子为题材的励志电影《筑梦》的拍摄，公司捐款捐物三万多元；都安高中百年校庆，公司捐款捐物五万多元；给都安一些乡镇贫困户捐款捐物……我相信“只要人人都献出一点爱，世界将变成美好的人间”。

正玄老家有几间老祖屋年久失修，有危房之嫌，我很想回去推倒重建，但爱人以资金紧张为由坚决不同意。从家庭和谐大局出发，我绞尽脑汁说服爱人。我对爱人说：“如果我们不回老家建房子，当我们在老家出现的时候，侄儿侄女会说：伯爷伯娘，你们来啦？如果我们有自己的房子，侄儿侄女会说：伯爷伯娘，你们回啦？”树高千丈落叶归根，一个“来”和一个“回”字竟然把爱人说动了！

爱人还同意我帮弟弟建一幢和我们一模一样的两层半楼房。用爱人的话说：“一屋不扫，何以扫天下？我们不能帮自家人脱贫，如何才能帮助更多的人脱贫？”因为弟弟文化不高，谋生手段有限，重建新房对他来说有难度。后来由于市场原因，企业效益受到一定影响，爱人对我说：“我们只帮他建框架结构及外墙批灰就好了，门窗由他自己挣钱安装。”我开玩笑道：“给他新裤子了，放不放拉链我们可就管不得那么多咯……”

（完 原载《广西文学》 原标题《我们一家人》，翻译：翟芳婷）