Sinhvazse Baekging 9 nyied 8 hauh dienh Siz Ginbingz dungzci 《Lwnh Gyauyuz》 Cunghgung Cungh- yangh Dangjsij Caeuq Vwnzyen Yenzgiuyen bien haenx, mboengq- neix youz Cunghyangh Vwnzyen Cuz- banjse okbanj, youq daengx guek fathengz.

Bouh saw neix, souloeg 47 bien faenzgauj youqgaenj Siz Ginbingz dungzci lwnh gyauyuz, ndawde miz- mbangj faenzgauj dwg baez nduj goenghai fatbiuj.

Gyauyuz dwg gij ringiek youq- gaenj minzcuz saenqhwng、sevei cinbu, dwg gij dwzcwng gunghcwngz daihneix miz goenglauz、cienciuh ndaej leih’ik. Cibbet Daih Dangj doxdaeuj, Dangjcunghyangh aeu Siz Ginbingz dungzci guh goek de dingjmaenh aeu gyauyuz guh daihgeiq aen guek、daihgeiq aen dangj, dingjmaenh hwngfat gyauyuz gonq, guh’ok gij gezcwz hungnaek gyavaiq gij yendaiva gyauyuz、hwnqguh aen guek ak gyauyuz, doidoengh gij gyauyuz saehnieb seizdaih moq aeundaej gij cingzcik doenghbaez caengz miz gvaq、fatseng bienqvaq hungloet. Guek raeuz gaenq hwnq- baenz aen gyauyuz dijhi gveihmoz ceiq hung gwnz seiqgyaiq, gij yendaiva gyauyuz hwngfat cungjdaej suijbingz hamjhaeuj aen hangzlied seiqgyaiq guekgya cungdaengj doxhwnj. Siz Ginbingz dungzci hopheux gyauyuz fatbiuj baenzroix lwnhgangj youq- gaenj, gohyoz hoizdap le aen gaenbonj vwndiz “gungganq vunz baenzlawz、baenzlawz gungganq vunz、gungganq hawj bouxlawz”, gyalaeg roxyiuj gij gvilwd gyauyuz saehnieb guek raeuz, doiq seizdaih moq roenloh moq banh ndei gij gyauyuz beksingq habhoz, cienzmienh gvancez gij gyauyuz fuengcim dangj, gungganq bouxciep- ban caeuq bouxhwnqguh sevei cujyi dwz ci dij meij lauz cienzmienh hwngfat, vih cienzmienh doicaenh Cunghvaz Minzcuz fukhwng hung- mbwk gunghawj cengjdingj rengzrwd, miz cijdauj yiyi youqgaenj raixcaix.