8 nyied 28 hauh, hekyouz youq Aen Diegbaeyouz Cwngzyangz Bazcai laeng Liujcouh Si Sanhgyangh Dungcuz Swciyen Linzhih Cin yawj laeuzgiuz、dingq fwen ngonz foux、cimz haeux Dungcuz, daejniemh yienghndei daegsaek Mbanjdung, angqyangz gvaq gyajseizndat.

Gaenh geij bi daeuj, Sanhgyangh haeujlaeg saedhengz aen vunqsik hwngfat “lijyouz +”, yawjdaek cauhguh aen daih- buenz hwngfat lijyouz moq, caebconz yienghndei minzcuz、funghgingj bya raemx、dieggaeuqgeq vwnzvuz、seiqhenz swnghdai、feihyiz yenzhag、vwnzva cietheiq daengj, comzrengz cat ndongq aen binjbaiz “cien bi Mbanjdung· gyaezniemh Sanhgyangh”, caenhrengz doidoengh saehnieb vwnzva lijyouz Sanhgyangh youh ndei youh vaiq hwngfat, hawj engq lai vunzmbanj youq bakdou ranz gwn hwnj gwn ndei “haeux lijyouz”.

（龚普康/Gungh Bujgangh）