Hai loh guh roen ak,Dapgiuz engq daeknaengz,Yienghyiengh guh ndaej daengz,Cingqcaen liux mbouj hwnj.Gaiqgaiq guh ndaej baenz,Guek raeuz caen bonjsaeh,Vunzlai caez haengjheiq,Gyo ndaej Dangj guhdaeuz.Enj aek ngiengx hwnj gyaeuj,Haeuj simou cujciz,Daemzhung ciengx bya biz,Bibi ndaej demmaj.Auyinvei hoengh hai,Vunzlai angqsoso,Mbouj dwg ninz guh loq,Guekcoj caen guh baenz.Gaijfangginh gunghginh,Cimh hingzseiq dem giengz,Gya maenh cigunghgenz,Ndaej hen biengz hen guek.Song aen “danh” aen “sing” (两弹一星),Gingdoengh daengz betbaih,Hwzcenzdingj roengz haij,Bauj seiqgyaiq hozbingz.Hwnj dingjmbwn gvangqlangh,Laeb aen camh hoenggan(空间站),Ndaej hen maenh gyaranz,Ndaej caux van vunzloih.Cauh ok hangzmuj hung,Vifung gvaengx gwnzhaij,Rox geijlai leixhaih,Gaij seiqgyaiq gwzgiz.Cungguek ak hwnjdaeuj,Ndaej ngangx gyaeuj gwnzbiengz,Yienghyiengh cix dem giengz,Ndaej daengx biengz aeueiq.6. Hoh Sengmingh BeksingqBinghraq raih gwnzbiengz,Cienz ndaej yoeng ndaej vaiq,Gyueklah daengx seiqgyaiq,Vunz simnaiq simvueng.（35）