8 nyied 28 hauh, Dahyinh Bingz- luz Cawjdaez Yisuzcanj youq Ginhcouh Si haimuq, hozdung cawjdaez dwg “dahyinh gyaep loq coh haij maeuz ak”. Baez yisuzcanj neix doenggvaq yisuz cozbinj, aeu gij hengzguh caen- saed gyoengq ganbu ginzcung camgya haeujcoengh hwnqguh Dahyinh Bingz- luz okdaeuj, cungfaen langhbaij gij cingzcik hwnqguh Dahyinh Bingzluz haihong song bi doxdaeuj aeundaej haenx.

2022 nienz 8 nyied 28 hauh, Dah- yinh Bingzluz cingqsik haihong hwnq- guh, hanghmoeg gujsuenq roengzgoek 727.3 ik maenz. Dahyinh Bingzluz daj Nanzningz Hwngzcouh Si Sihcinh Gugih Bingzdangzgyanghgouj hainduj, ginggvaq Ginhcouh Lingzsanh Yen Luzvuh Cin riengz Ginhgyangh haeuj Bwzbuvanh, baugvat hangzdau、hangz- yinh suhniuj、henzsienq hamj dah sezsih gunghcwngz caeuq boiqdauq gunghcwngz, hwnqbaenz le cujyau dwg guh daehyinh, hangzdau daengjgaep dwg dahndaw Ⅰ gaep, aenruz 5000 dun gaep doenggvaq ndaej.

Gaenh geij bi neix daeuj, boux- guhhong yisuz daengx guek gak dieg caprag Ginhcouh, hopheux hwnqguh Dahyinh Bingzluz cauh le haujlai cozbinj ndei cawjdaez sienmingz、daezcaiz fungfouq、neihanz laegdaeuq.

Baez yisuzcanj neix youq Aen Cungsim Daejniemh Nizhinghdauz Dieg Canjnieb Cauh’eiq Vwnzva Nizhinghdauz Ginhcouh Si baijok, daengz 10 nyied 15 hauh gietsat. Yisuzcanj miz ingjsiengq、meijsuz、suhfaz、nizhinghdauz、rin geizgvaiq、vunzlai yisuz daengj 6 aen dieg langhbaij, miz 500 lai gienh cozbinj ndaej langhbaij. Comz miz gij cozbinj ndei gyoengq yisuzgyah lai boux guekgya gaep swcigih gaep caeuq Ginhcouh bonjdieg, yienh’ok gij gingjsaek swhyienz、dieggaeuq lizsij、fungsug fungcingz caeuq seizdaih bienqsenj henz yienhciengz hwnqguh Dahyinh Bingzluz, gyalai rengzhoengh hawj yisuz ndwenngoenz.

(Couh Lungzfu Lai Yinh)