8 nyied 29 hauh, Swcigih Cwngfuj nem Gunghyez Caeuq Sinsizva Bu youq Baekging banh guhhong hoihdamz lwnhgangj gij yigen dajcauh dieg comz canjnieb cauhguh senhcin、doidoengh cauh- moqlienh canjnieblienh vunzcaiz- lienh yungzhab daengj. Swcigih cujsiz Lanz Denhliz, Gunghyez Caeuq Sinsizva Bu Dangjcuj suhgi、bucangj Ginh Canglungz camgya aen hoih.

Lanz Denhliz gaisau le gij cingz- gvang Gvangjsih ginghci sevei hwng- fat caeuq doeksaed bugih doxgap hezyi, gyo’mbaiq Gunghsinbu gvan- sim haeujcoengh hong Gvangjsih. De naeuz, seizneix, Gvangjsih cingq haeujlaeg hagsib gvancez gij cing- saenz Ngeihcib Daih caeuq Ngeihcib Gaiq Ngeihcung、Samcung Cienzhoih Dangj, laemxsim mbouj bienq riengz gij fuengyiengq Dangjcunghyangh caeuq Siz Ginbingz cungjsuhgi daz- yinx de, caenh’itbouh cienzmienh haeujlaeg gaijgwz, gyavaiq doicaenh gunghyezva yienghmoq, hidungj maeuzveh doicaenh hwnqguh aen dijhi canjnieb yendaiva, haenqrengz raiz biencieng Gvangjsih gij yendaiva yiengh Cungguek. Gag lai roengz- rengz、buekguh baenaj doengzseiz, hix aeu guekgya buveij haeujcoengh bangcoh. Cingjgouz Gunghyez Caeuq Sinsizva Bu lumj gaxgonq nei laeb- daeb haeujcoengh sonyinx Gvangjsih cauhlaeb buek dieg comz canjnieb cauhguh senhcin guekgya gaep ndeu, haeujcoengh youq Gvangjsih baijbouh hwnqguh buek dieggoek canjnieb hungnaek caeuq canjnieblienh gung- wngqlienh hamj gizdieg hamj gyaiq ndeu, gyavaiq hwnqguh dieg canjnieb henz bien gaenh gangj; haeujcoengh Gvangjsih giyez camgya guekgya canjnieb gohgi cauhmoq, doidoengh cauhmoqlienh canjnieblienh ngaenz- cienzlienh vunzcaizlienh yungzhab, gungganq guhhung canjnieb hwng- moq, lai ok rengz hawj hwnqguh aen Gvangjsih maenghndei seizdaih moq.

Ginh Canglungz gaenxmaenx bingzgyaq gij cwngzgoj ndei geij bi neix daeuj Gvangjsih gunghyez caeuq sinsizva hwngfat caeuq bugih doxgap aeundaej haenx, hoizdap gij saeh- hangh cingjgouz Gvangjsih daezok haenx. De naeuz, seizneix, Gungh- sinbu cingq haeujlaeg gvancez gij cingsaenz Ngeihcib Daih caeuq Ngeihcib Gaiq Ngeihcung、Samcung Cienzhoih Dangj, doeksaed gij anbaiz baijbouh Aen Hoih Doicaenh Gunghyezva Yienghmoq Daengx Guek, gyavaiq doicaenh gunghyezva yienghmoq, gungganq hwngfat yiengh swnghcanjliz rengzmoq. Yaek caenh- itbouh haeujlaeg bugih caezhwnq, gyalai haeujcoengh Gvangjsih conz- dungj canjnieb hawj bienq lai ndei、lai cinwngz、lai saekloeg, gungganq guh- hung nwngzyenz moq、caizliuh moq daengj canjnieb hwngmoq, yawj coh baijbouh yiengh canjnieb daengzcog, dajcauh dieg comz canjnieb cauhguh senhcin; gyavaiq hwnqguh giekdaej sezsih saenqsik yienghmoq, gyagiengz canjnieb gohgi cauhmoq caeuq gung- ganq vunzcaiz; sonyinx bangcoengh Gvangjsih haeujlaeg caeuq Dungh- mungz guekgya doxgap canjnieb, doicaenh hwnqguh dieg canjnieb henz bien gaenh gangj ndaej lai ndei, aeu gij cingzcik moq gaijgwz hwngfat engqndei bae bangrengz hwnqguh aen Gvangjsih maenghndei.

(daj 《Gvangjsih Yizbau》 aeu daeuj hoiz Gungh Vwnzyingj)