Hocouh Si Bingzgvei Gih aeu couqmaenh gij eiqsik caezcaemh Cunghvaz Minzcuz guh sienqmeh bae guh hong youqgaenj, guh ndei cwngvu fugsaeh、cauhmoq vunqsik fugsaeh, daegbied cwngvu fugsaeh guh ndaej engq fuengbienh、gauhyau、diepsim, mizyauq coihaeuj minzcuz doxgiet baenaj.

Bang banh lawh banh fugsaeh ndei giyez ginzcung “aen goengleix doeklaeng”, youq dieg de yungh ndaej lai、doigvangq ndaej gyae. Youq aen ding cwngvu hai “aen cueng bang banh lawh banh”, vih giyez ginzcung bang banh lawh banh、camcaz dazyinx daengj fugsaeh raeujsim haenx. Gij vunqsik fugsaeh neix mboujdan hawj giyez ginzcung noix buet bae buet dauq, lij daezsang gij yauqlwd banh saeh, hawj giyez ginzcung youq ndaw cwngvu fugsaeh fuengbienh haenx gamjsouh daengz gij raeujsim Cunghvaz Minzcuz ranz vunz ndeu. Gij hong bang banh lawh banh gveihfanva、byauhcunjva, lingzvued gaemguenj caiqlij hableix baenboiq gij seizgan banhleix, bang giyez ginzcung engq ndei sug gij cwngcwz mizgven, hableix bwh caizliuh saenbauq, bienq giyez ginzcung “baedauq buet”baenz lawh banh fugsaeh“cieplig banh”, maedsaed daezsang hingzcwng saemjbae giyez haibanh、baecinj gaihuq、ndaepsiu ngaih daengj hong guh ndaej engq vaiq. Bineix doxdaeuj, Bingzgvei Gih aen doih bang banh lawh banh gungh bang banh lawh banh le 1950 gienh saeh, cienzngaenz cawqcek miz 4959.5 fanh maenz ngaenz.

（赵万隆/Cau Vanlungz）