8 nyied 24 hauh, “couqmaenh gungdungzdij Cunghvaz ranz vunz ndeu” cawjdaez senhconz “Betgveiq daihdeih langh yienghmoq” gyonjcomz caijfangj hozdung youq Gvangjsih Minzcuz Bozvuzgvanj hainduj, hoz- dung dwg Cunghyangh Senhconzbu caeuq Cunghyangh Dungjcanbu、Guekgya Minzveij haiguh.

Hozdung guh 5 ngoenz, 120 lai boux benhciz gicej cunghyangh caeuq deihfueng meizdij、hangzyez loih meizdij daengj faenbaenz baihnamz baihbaek song diuz sienqloh, bae Gvangjsih lai dieg caijfangj. Caij- fangjdonz coh baihnamz bae Fangz- cwngzgangj、Cungzcoj、Baksaek, coh baihbaek bae Laizbinh、Liujcouh、Gveilinz, song diuz sienqloh caez guh, bauqlwnh gij guhfap caeuq cingzcik Gvangjsih caezhwnq caezyungh aen gyaranz cingsaenz caezcaemh Cungh- vaz Minzcuz、aen gyaranz caezcaemh baenzmiz vuenyungz、aen gyaranz huzndei doxbang doxcoengh、aen gyaranz gyaeundei ndeiyouq ndaej- gyaeu、aen gyaranz bien’gyaiq onj- dingh bingzan.

Cibbet Daih Dangj doxdaeuj, Gvangjsih caezcienz cinjdeng cienz- mienh gaemdawz gij swhsiengj youq- gaenj gvendaengz gyagiengz caeuq gaijndei hong minzcuz Siz Ginbingz cungjsuhgi, aeu couqmaenh gij eiqsik caezcaemh Cunghvaz Minzcuz dang- guh diuz sienqmeh gak hangh hong, caenh’itbouh mad rongh gaiq baiz gim “aen gih guhyiengh minzcuz doxgiet baenaj daengx guek”, cienzmienh haeujlaeg haiguh cauhlaeb minzcuz doxgiet baenaj, netsaed hwnqguh aen gih guhyiengh couqmaenh gij eiqsik caezcaemh Cunghvaz Minzcuz, doi- doengh hong minzcuz dangj seizdaih moq hwngfat ndei saed byaij youq baihnaj、ndaej guhyiengh.

(daj 《Minzcuz Vabau》 aeu daeuj hoiz)