8 nyied 24 hauh, Cunghgoz Minzcuz Yijvwnz Fanhyizgiz youq Nanzningz hai Aen Hoih Cangh- fanhoiz Saemjdingh Swz Moq Saw- cuengh Vahcuengh Bi 2024. 35 boux lauxhangz yozcej Baekging、Gvangjsih daengj dieg daeuj camgya hai hoih, gungh saemjdingh 191 aen swz moq bi ndeu doxdaeuj daengx guek song hoih vwnzgen、cwngdangj vwnzyen、faplwd fapgvi youqgaenj、caizliuh hagsib mizgven dangjgij hagsib gyauyuz caeuq aenbiengz gak gizdieg bungz daengz de.

Aen hoih daegbied gangj daengz, hong gveihfan fanhoiz swz moq dwg gij hong ceiq giekdaej hong fanhoiz saw vah minzcuz, cwngcising、cwngcwzsing cungj ak raixcaix, caeuq hagsib yungh ndei saw vah minzcuz doxgven, caeuq gak cuz vunzlai roxyiuj gaemdawz ndei lohsienq fuengcim cwngcwz dangj、guekgya faplwd fapgvi doxgven, dwg gij aeuyungh yienhsaed hwngfat cwngci、ginghci、aenbiengz、vwnzva、gyauyuz dieg minzcuz.

Aen hoih iugouz, it dwg dawz- haen cwngci biucinj hong saemjdingh, aeu gvancez aen swhsiengj sevei cujyi miz daegsaek Cungguek, daegbied dwg gij swhsiengj youqgaenj gven- daengz gyagiengz caeuq gaijndei hong minzcuz Siz Ginbingz cungjsuhgi, cienzmienh gaemdawz gij cingsaenz Aen Hoih Hong Minzcuz Cunghyangh caeuq gij cingsaenz Aen Hoih Hong Saw Vah Daengx Guek, dingjmaenh diuz sienqmeh couqmaenh gij eiqsik caezcaemh Cunghvaz Minzcuz, gvan- cez doeksaed fuengcim cwngcwz hong saw vah dangj caeuq guekgya daengz hong saemjdingh daengx aen gocwngz gak fuengmienh bae, dawzhaen gvan cwngci、gvan yisiz hingzdai saemj- dingh swz. Ngeih dwg dawzhaen yenzcwz iugouz hong saemjdingh, aeu cinjdeng gaemdawz gij gihbwnj yenz- cwz caeuq cungjdaej iugouz fanhoiz, caeuq nyuenzfaenz miz gij ngeixnaemj de doxdoengz bae, baujmaenh swz moq doengjit gvenhfan. Sam dwg yiemzgek ciuqei vahgangj hwngfat gvilwd, hag’aeu gij fuengfap “vat、cauh、ciq”, cungfaen vatcimh sawloih nyuenz miz vah minzcuz caeuq baenzlawz gangj, cinjdeng yienh’ok gij eiqsei swz, aeu vahgangj vunzlai、yozsuz lijlun、vwnzva gyaciz doengjit hwnjdaeuj, guhsat hong saemjdingh fanhoiz ndei saed bae.(Cau Fungh)