（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz itcien songbak seiqcib caet Doenghduz yungyiemj gimq dajciengx lumjbaenz duzma nyanq daengj hawj bouxwnq deng sonjhaih ne，bouxdajciengx roxnaeuz bouxguenj wngdang rap- dawz cwzyin ciemqgienz.

Diuz itcien songbak seiqcib bet Doenghduz ndaw dungvuzyenz hawj bouxwnq deng sonjhaih ne，dungvuzyenz wngdang rapdawz cwzyin ciemqgienz；hoeng，ndaej cwngmingz gaenq caenhrengz guh ndei guenjleix ne，mbouj rapdawz cwzyin ciemqgienz.

Diuz itcien songbak seiqcib gouj Doenghduz deng vutgvengh、deng buetdeuz de youq mwh deng vutgvengh、deng buetdeuz hawj bouxwnq deng sonjhaih ne，youz bouxdajciengx roxnaeuz bouxguenj yienzlaiz de rapdawz cwzyin ciemqgienz.

Diuz itcien songbak hajcib Aenvih boux- daihsam miz loek hawj doenghduz sonjhaih bouxwnq ne，boux deng ciemqgienz ndaej cingjgouz boux- dajciengx roxnaeuz bouxguenj dienzboiz，hix ndaej cingjgouz bouxdaihsam dienzboiz. Bouxdajciengx roxnaeuz bouxguenj dienzboiz le，miz gienz laeng bouxdaihsam gyaepboiz.

Diuz itcien songbak hajcib it Dajciengx doenghduz wngdang ciuqsouj faplwd fapgvi，aeueiq goengdaek ndaw biengz，mbouj ndaej fuengzngaih swnghhoz bouxwnq.

Cieng Daihcib Gij Cwzyin Gaiqranz

Caeuq Doxgaiq Cauhbaenz Sonjhaih

Diuz itcien songbak hajcib ngeih Gaiqranz、gaiqhwnq roxnaeuz gaiqnda wnq deng lak、deng doemq haih daengz bouxwnq ne，youz aen danvih hwnqguh caeuq aen danvih haiguh rapdawz cwzyin lienzdaiq，hoeng cawz ok aen danvih hwnqguh caeuq aen danvih haiguh ndaej cwngmingz mbouj miz doxgaiq mbouj ndei. Aen danvih hwnqguh、aen danvih haiguh dienzboiz le，miz bouxcwzyin wnq ne，miz gienz doiq bouxcwzyin wnq gyaepboiz.

Aenvih bouxmiz、bouxguenj、bouxyungh rox- naeuz bouxdaihsam yinxhwnj，hawj gaiqranz、gaiqhwnq roxnaeuz gaiqnda wnq deng lak、deng doemq haih daengz bouxwnq ne，youz bouxmiz、bouxguenj、bouxyungh roxnaeuz bouxdaihsam rapdawz cwzyin ciemqgienz.

Diuz itcien songbak hajcib sam Gaiqranz、gaiqhwnq roxnaeuz gaiqnda wnq nem huq- cuengqyouq、huqvenjyouq gwnz de loenq roengz- daeuj、doek roengzdaeuj sonjhaih bouxwnq，boux- miz、bouxguenj roxnaeuz bouxyungh mbouj ndaej cwngmingz bonjfaenh mbouj miz loek ne，wngdang rapdawz cwzyin ciemqgienz. Bouxmiz、bouxguenj roxnaeuz bouxyungh dienzboiz le，miz bouxcwzyin wnq ne，miz gienz laeng bouxcwzyin wnq gyaep- boiz.

Diuz itcien songbak hajcib seiq Gimqhaed daj gaiqranz bau doxgaiq okdaeuj. Daj ndaw gaiqranz bau doxgaiq okdaeuj roxnaeuz gij doxgaiq youq gwnz gaiqranz doek roengzdaeuj sonjhaih bouxwnq ne，youz bouxciemqgienz ciuqfap rapdawz cwzyin ciemqgienz；ginggvaq diucaz, hoj doekdingh bouxlawz ciemqgienz ne，cawz ok gij ndaej cwngmingz bonjfaenh mbouj dwg bouxciemqgienz de，youz bouxyungh gaiqranz aiq guh sonjhaih de bae boizbouj. Bouxyungh gaiqranz aiq guh sonjhaih de boizbouj le，miz gienz laeng bouxciemqgienz gyaepboiz.

Aen giyez guh vuzyez fuzvu daengj bouxguenj gaiqranz wngdang yungh gij banhfap baujcang ancienz noix mbouj ndaej de bae fuengzre mizok gij yienghsaeh gvanj gonq gvidingh；mbouj yungj gij banhfap baujcang ancienz noix mbouj ndaej de ne，wngdang ciuqfap rapdawz gij cwzyin ciemqgienz mbouj guh faenh hong baujcang ancienz.

Danghnaeuz miz gij yienghsaeh gvanj daih’it diuz neix gvidingh de，gungh’anh gihgvanh daengj wngdang ciuqfap gaenjriengz diucaz，caz ok boux- cwzyin.

Diuz itcien songbak hajcib haj Gij huq dong youq doemq roengzdaeuj、ringx roengzdaeuj roxnaeuz gyod roengzdaeuj cix hawj bouxwnq deng sonjhaih，boux dong huq mbouj ndaej cwngmingz bonjfaenh mbouj miz loek ne，wngdang rapdawz cwzyin ciemqgienz.

Diuz itcien songbak hajcib roek Youq gyang roen maxloh dong、raix、vanq gij doxgaiq fuengzngaih byaijroen cix hawj bouxwnq deng sonjhaih ne，youz bouxhengz rapdawz cwzyin ciemqgienz. Bouxguenj maxloh mbouj ndaej cwngmingz gaenq caenhrengz guh ndei faenh hong cingleix、fuengzhen、daezsingj ne，wngdang rapdawz cwzyin doxwngq.

Diuz itcien songbak hajcib caet Aenvih faex eujraek、nyengqlaemx roxnaeuz aen mak doek roengzdaeuj daengj cix hawj bouxwnq deng sonj- haih，bouxmiz roxnaeuz bouxguenj gij faex haenx mbouj ndaej cwngmingz bonjfaenh mbouj miz loek ne，wngdang rapdawz cwzyin ciemqgienz.

Diuz itcien songbak hajcib bet Youq dieg vunzlai comzyouq roxnaeuz gyang loh vat、coih、an doengh gaiqnda lajnamh daengj cix hawj bouxwnq deng sonjhaih，bouxguhhong mbouj ndaej cwng- mingz gaenq anlaeb ndei geiqhauh yienhda roxnaeuz yungh banhfap ancienz fuengzre ne，wngdang rapdawz cwzyin ciemqgienz.

Aen cingj haem doengh gaiqnda lajnamh hawj bouxwnq deng sonjhaih，bouxguenj mbouj ndaej cwngmingz caenhrengz guh ndei guenjleix ne，wngdang rapdawz cwzyin ciemqgienz.

Bengxgya

Diuz itcien songbak hajcib gouj Minzfaz gangjnaeuz “doxhwnj”“doxroengz”“dauqndaw”“rimmboengq” baudaengz aen soq goek；gangjnaeuz “mbouj rim”“mauhgvaq”“cawz ok”，mbouj baudaengz aen soq goek.

Diuz itcien songbak roekcib Aen fap neix daj 2021 nienz 1 nyied 1 hauh hainduj hengzguh. 《Aen Fap Vaenyaen Cunghvaz Yinzminz Gunghozgoz》 《Aen Fap Ciepswnj Cunghvaz Yinzminz Gung- hozgoz》 《Aen Minzfaz Dunghcwz Cunghvaz Yinz- minz Gunghozgoz》 《Aen Fap Souciengx Cunghvaz Yinzminz Gunghozgoz》 《Aen Fap Danhbauj Cungh- vaz Yinzminz Gunghozgoz》 《Aen Fap Habdoengz Cunghvaz Yinzminz Gunghozgoz》 《Aen Fap Gienz- huq Cunghvaz Yinzminz Gunghozgoz》 《Aen Fap Cwzyin Ciemqgienz Cunghvaz Yinzminz Gung- hozgoz》 《Aen Minzfaz Cungjcwz Cunghvaz Yinz- minz Gunghozgoz》 doengzseiz dingz yungh.

第一千二百四十七条  禁止饲养的烈性犬等危险动物造成他人损害的，动物饲养人或者管理人应当承担侵权责任。

第一千二百四十八条  动物园的动物造成他人损害的，动物园应当承担侵权责任；但是，能够证明尽到管理职责的，不承担侵权责任。

第一千二百四十九条  遗弃、逃逸的动物在遗弃、逃逸期间造成他人损害的，由动物原饲养人或者管理人承担侵权责任。

第一千二百五十条  因第三人的过错致使动物造成他人损害的，被侵权人可以向动物饲养人或者管理人请求赔偿，也可以向第三人请求赔偿。动物饲养人或者管理人赔偿后，有权向第三人追偿。

第一千二百五十一条  饲养动物应当遵守法律法规，尊重社会公德，不得妨碍他人生活。

第十章  建筑物和物件损害责任

第一千二百五十二条  建筑物、构筑物或者其他设施倒塌、塌陷造成他人损害的，由建设单位与施工单位承担连带责任，但是建设单位与施工单位能够证明不存在质量缺陷的除外。建设单位、施工单位赔偿后，有其他责任人的，有权向其他责任人追偿。

因所有人、管理人、使用人或者第三人的原因，建筑物、构筑物或者其他设施倒塌、塌陷造成他人损害的，由所有人、管理人、使用人或者第三人承担侵权责任。

第一千二百五十三条  建筑物、构筑物或者其他设施及其搁置物、悬挂物发生脱落、坠落造成他人损害，所有人、管理人或者使用人不能证明自己没有过错的，应当承担侵权责任。所有人、管理人或者使用人赔偿后，有其他责任人的，有权向其他责任人追偿。

第一千二百五十四条  禁止从建筑物中抛掷物品。从建筑物中抛掷物品或者从建筑物上坠落的物品造成他人损害的，由侵权人依法承担侵权责任；经调查难以确定具体侵权人的，除能够证明自己不是侵权人的外，由可能加害的建筑物使用人给予补偿。可能加害的建筑物使用人补偿后，有权向侵权人追偿。

物业服务企业等建筑物管理人应当采取必要的安全保障措施防止前款规定情形的发生；未采取必要的安全保障措施的，应当依法承担未履行安全保障义务的侵权责任。

发生本条第一款规定的情形的，公安等机关应当依法及时调查，查清责任人。

第一千二百五十五条  堆放物倒塌、滚落或者滑落造成他人损害，堆放人不能证明自己没有过错的，应当承担侵权责任。

第一千二百五十六条  在公共道路上堆放、倾倒、遗撒妨碍通行的物品造成他人损害的，由行为人承担侵权责任。公共道路管理人不能证明已经尽到清理、防护、警示等义务的，应当承担相应的责任。

第一千二百五十七条  因林木折断、倾倒或者果实坠落等造成他人损害，林木的所有人或者管理人不能证明自己没有过错的，应当承担侵权责任。

第一千二百五十八条  在公共场所或者道路上挖掘、修缮安装地下设施等造成他人损害，施工人不能证明已经设置明显标志和采取安全措施的，应当承担侵权责任。

窨井等地下设施造成他人损害，管理人不能证明尽到管理职责的，应当承担侵权责任。

附则

第一千二百五十九条  民法所称的“以上”、“以下”、“以内”、“届满”，包括本数；所称的“不满”、“超过”、“以外”，不包括本数。

第一千二百六十条  本法自2021年1月1日起施行。《中华人民共和国婚姻法》、《中华人民共和国继承法》、《中华人民共和国民法通则》、《中华人民共和国收养法》、《中华人民共和国担保法》、《中华人民共和国合同法》、《中华人民共和国物权法》、《中华人民共和国侵权责任法》、《中华人民共和国民法总则》同时废止。

（78 sat）

（壮文稿由中国民族语文翻译局提供）