Duz mbajdaeng ndeu heux aen daengdaiz ndeu mbin bae mbin dauq mbouj daengx saek baez, yawj aen daengdaiz yawj bae yawj dauq. Doeklaeng, de nyaenx mbouj ndaej doiq aen daengdaiz gangj ok gij vah ndaw sim bonjfaenh. De haenh aen daeng ronghsag haenx, hoeng dauq baebingz aen haeuzdaeng saek heu caeuq giz daeng naengh saek henj, naeuz gyoengqde mbouj rongh caeuq mbouj nyex vunz haeujmaez geijlai. Giz duz mbajdaeng ceiq mbouj maij dwg giz haigven saek ndaem haenx, aenvih de haujlai baez cungj bungq daengz giz haigven, aen gyaeuj de cungj deng bungq gawh lo.

Duz mbajdaeng doiq aen daeng naeuz: “Gou ceiq maij mwngz. Danghnaeuz dan miz mwngz aen dog, mbouj miz aen haeuzdaeng、giz daeng naengh caeuq giz haigven baenz dai haenx, mwngz couhdwg aen daengdaiz ceiq ndei gou rox lo.”

Aen daeng han naeuz: “Mbouj ndaej, aen haeuzdaeng、giz daeng naengh caeuq giz haigven cungj dwg beixnuengx gou. Giz daeng naengh daemxcengj gou, hawj gou daengj youq ndaej. Aen haeuzdaeng baujhoh gou, hawj gij rongh gou engq rongh. Gangjdaengz giz haigven, gou dan youq seizde ok sing cij ndaej gven roxnaeuz rongh. Dou bouxlawz hix liz mbouj ndaej bouxlawz. Mboujlwnh noix boux- lawz, dou cungj mbouj ndaej heuhguh aen daengdaiz ndei.”

(Yenz Vwnzcingj raiz

Cwz Fanghdingz hoiz)