8 nyied 1 hauh, Aen Hoih Bauq- lwnh Cunghyangh Senhgyangjdonz Hagsib Gvancez Gij Cingsaenz Gaiq Ngeihcib Baez Hoih Daengxcungq Daihsam Dangj youq Nanzningz banh. Cunghyangh Senhgyangjdonz cwngz- yenz、Cunghyangh Cwngfazveij misuhcangj Yinz Bwz guh lwnhgangj. Swcigih Dangjveij suhgi Liuz Ningz cujciz aen hoih. Swcigih cujsiz Lanz Denhliz, Swcigih Cwnghez cujsiz Sunh Daveij daengj camgya hai hoih.

Gwnz hoih, Yinz Bwz gaenjndaet hopheux aen cawjdaez caenh’itbouh cienzmienh haeujlaeg gaijgwz、doi- caenh gij yendaiva yiengh Cungguek, bae lwnh roxyiuj gij yiyi hungnaek cienzhoih、haeujlaeg hagsib roxyiuj gij cingsaenz gangjvah youqgaenj Siz Ginbingz cungjsuhgi youq gwnz cienzhoih、cienzmienh dawzcinj rox- yiuj gij banhfap youqgaenj caenh- itbouh cienzmienh haeujlaeg gaijgwz 《Gietdingh》 dwen daengz de、haenq- rengz guh ndei gvancez doeksaed gij cingsaenz cienzhoih daengj. De naeuz, aeu hagsib gvancez gij cingsaenz cienzhoih caeuq hagsib roxyiuj baenzroix swhsiengj moq、gvanhdenj moq、lwnhduenh moq gvendaengz cienzmienh haeujlaeg gaijgwz Siz Ginbingz cungjsuhgi giethab caeuq guenqdoeng hwnjdaeuj, gyagiengz dangj lingjdauj daengx aen gocwngz caenh’itbouh cienzmienh haeujlaeg gaijgwz, aeu gij cingsaenz dok ding bae doeksaed guh ndei gak hangh gaijgwz yinvu.

Liuz Ningz daegbied gangj daengz, daengx gih gak dieg gak bouhmonz aeu haeujlaeg hagsib senhconz gvancez gij cingsaenz Gaiq Ngeihcib Baez Hoih Daengxcungq Daihsam Dangj, caeuq gvancez doek- saed gij iugouz youqgaenj gvendaengz lwnhgangj hong Gvangjsih Siz Gin- bingz cungjsuhgi dox giethab hwnj- daeuj, roengzsim bae hagsib son- gyauq caeuq gyonjcomz lwnhgangj, laebdaeb roengzrengz bae hag, caen aeu swhsiengj caeuq hengzdoengh caemhyamq daengz gij cingsaenz cienzhoih, baujmaenh youq diegdeih Betgveiq doekdieg majrag、haiva dawzmak、baenzsou lailang. Aeu hagsib gvancez gij cingsaenz cienz- hoih caeuq doeksaed gij anbaiz Gaiq Cibngeih Baez Hoih Daengxcungq Daihbet Swcigih Dangjveij caeuq aen hoih hong byonghbi、 guh ndei gak hangh hong seizneix ginghci sevei hwngfat gaenjndaet giethab hwnjdaeuj, aeu gij cingsaenz dok ding bae guh ndei gaijgwz doeksaed, haenqrengz doicaenh “it gih song dieg it suen it roenloh” hwnqguh, dingjmaenh mbouj bienq guhsat aen moegbiu ginghci sevei hwngfat daengx bi, caezhoz caemhrengz doidoengh hwngfat ndei saed, aeu gij yendaiva yiengh Cungguek Gvangjsih saedguh gyarengz hawj hwnqguh aen guek ak、fukhwng minzcuz.

8 nyied 1 hauh, Yinz Bwz bae daengz Bingzluz Yinhoz hanghmoeg hwnqguh yienhciengz lwnhgangj, caeuq giyez ganbu cizgungh、boux- guhhong youq itsienq daengj gangjgoj doxlwnh.

(daj 《Gvangjsih Yiz Bau》 aeu daeuj genj hoiz Cwngh Dezgyangz Vei Bizfungh Cinz Gojfuh)