Nanzningz Si Cinghsiu Gih dawzmaenh diuz sienqmeh guhhong couqmaenh gij eiqsik caezcaemh Cunghvaz Minzcuz, vatcimh leihyungh vwnzva swhyenz, doenggvaq “vwnzva+lijyouz”“vwnzva+canjbinj”“vwnzva+hanghmoeg” daengj fuengsik coicaenh gak minzcuz doxcunz doxgyau dox- yungz.

“Vwnzva+lijyouz”, haeujlaeg minzcuz doxyungz. Laebdin swhyenz lai、diegvih diuzgen、hwngfat giekdaej daengj, dajcauh binjbaiz “aen cueng Dunghmungz·yinxdaeuz Cinghsiu”, banh aen hoih hung faenj lajmbwn、ciet gijgwn ndei Cungguek——Dunghmungz daengj hozdung; gaem- dawz seizndei ngoenzgyaj“Gvangjsih Sam Nyied Sam”, ciepbanh Gaiq Daihcaet Nanzningz Gozci Cienz- doengj Foux Lungz Iucingj Doxdax baenzroix hozdung, aen doih camgya doxdax caeuq aen doih yienjheiq bae Nanzningz Gozci Veicanj Cunghsinh、Nanzhuz Gunghyenz caeuq Cinghsiu Vandaz daengj dieg gaicawx hoengh cunzyienj, gyonjgyoeb ciepdaih boux- youz 93.37 fanh vunzbaez, gingjgih gyonjsuenq gaicawx ndaej ngaenz 2275 fanh maenz.

“Vwnzva+canjbinj”, langhbaij feihyiz yinxdaeuz. Doenggvaq haeuj- laeg vatcimh gij swhyenz vwnzva ciuhgeq cwngzgih, coihawj gak gaep bouxcienzswnj feihyiz caeuqfaenh hong yenzfaz doigvangq feihyiz faenzcaux, fungfouq cungjloih huq faenzcaux miz daegsaek cwngzgih, mboujduenh hawj gak cuz vunzlai vwnzva lijyouz aeuyungh lai yiengh、miz daegdiemj de ndaej habhoz. Gungganq laebbaenz aen diengz guh buhvaq Bouxcuengh, baengh man、dajsiuq daengj dinfwngz guh buhvaq Bouxcuengh, doiok binjbaiz “Man- cuengh Gim”; aeu aen vunqsik “cwngfuj+giyez+dieggoek+nungzhu+hawciengz”, yungh gij fuengsik doq son doq canh cienz, cujciz mehmbwk ranzgungzhoj caeuqfaenh son din- fwngz.

“Vwnzva+hanghmoeg”, saed- yienh caezhwnq caezyungh. Comzyawj gak cuz vunzlai aeuyungh, gaenx- maenx doidoengh gunghgung vwnzva fuzvu ngengcoh gihcwngz, lai bae hwnqguh cunh（segih） gaep gungh- gung fuzvu cunghsinh、dieg lienh- ndang caeuq daizheiq、lanzgiuz- cangz miz daeng rongh daengj, seizneix daengx cwngzgih cunh gaep gunghgung fuzvu cunghsinh cunhcunh miz caez.

(Cinghsiu Gihveij Dungjcanbu)