Mboengqneix, Gaiq 32 Daengx Guek Duzsuh Gyauhyiz Bozlanjvei youq Sanhdungh Cijnanz haimuq, Gvangjsih 8 aen sawdoz cuzbanjse dawz 4400 lai cungj sawdoz ndei caeuq 20 lai ciengz hozdung ndei bae aen hoihhoengh neix oknaj, cungfaen langhbaij gij yienghndei daegbied gagmiz caeuq gij yinxdaeuz vwnzva.

Baez suhbozvei neix aen cawj- daez Gvangjsih langhbaij dwg “hom- saw Betgveiq yawj doeg Guengjsae”, Gvangjsih Cuzbanj Conzmeiz Cizdonz、Gvangjsih Swhfan Dayoz Cuzbanjse Cizdonz、Gvangjsih Minzcuz Cuz- banjse doiok buek saw ndei gaen- ndaet seizdaih cawjdaez、fatyiengz seizdaih cingsaenz、ciengqgok yaem- wenq seizdaih ndeu, baengh gizdieg vwnzva miz daegsaek dajyiengj aen binjbaiz “homsaw Betgveiq”. Gvangj- sih Cuzbanj Conzmeiz Cizdonz sawdoz youqgaenj 《Singmoq》《Funghvuengz Mbin》 caeuq 《Dadau》 daengj, ndaej daengz cuzbanj gyaiq haeujrwz; Gvangjsih Swhfan Dayoz Cuzbanjse Cizdonz 《Meijdangz Fak Saenq Daeuj： Ranz Dou》《Mozfazsieng Dangzgoq Buqmoengz Lizsij Cungguek Hawj Lwgnyez》 daengj sawdoz, yienh- ok yozsuz caeuq yinzvwnz daegsaek; Gvangjsih Minzcuz Cuzbanjse sawdoz 《Baenzroix Cozbinj Canghraiz Lai Minzcuz Cungguek》《Bi Va’gyap》《Yw Gvangjsih Miz Daegsaek——Ywcuengh Ywyauz Bwnjcauj Senjbien》 daengj, cungfaen langhbaij gij vwnzva goekdaej naekna caeuq vwnzva minzcuz lai yiengh Gvangjsih. Youq suhbozvei yienhciengz, dieg langhbaij Gvangjsih yinx ndaej haujlai bouxdoeg dingzdin ngonzyawj.

Ciuq cam rox, mboengq suh- bozvei, Gvangjsih canjdonz roengzsim guh le baenzroix hozdung, doenggvaq baenzroix hozdung caeuq bouxdoeg doxdoeng doxgyau, cungj langhbaij gij vwnzva neihanz yienghsiengq binjbaiz “homsaw Betgveiq” okdaeuj, aeu langhbaij guh moiz，aeu saw gyau youx, yinx ndaej daengx guek gak dieg bouxdoeg doenggvaq yawjdoeg ndaej raen Gvangjsih, byaij haeuj Gvangjsih, doeg rox Gvangjsih.

(Sunh Bungzyenj)