5. Gwzming Daengz DoeksatNdaemq haeuj Dabezsanh,Yi-Suh-Vanj cap bing,Yisih（豫西） baek geiznding,Namzging youq mbouj onj.Fanjdungbai guh daeuz,Guek raeuz mbouj baenzyiengh,Yaek dwk roengz laux Ciengj,Cij ndaej bienq baenz ndei.Doengbaek rumz hwnj gonq,Bongj Ginjcouh Sinjyangz,Beksingq angqyangzyangz,Ndaej gyaep fangz gyaep gvaiq.Vaiz-Haij daihdoih bing,Youh dwk hingz mbat ciengq,Ndaek cungjcaiz laux Ciengj,Fanhfanh siengj mbouj daengz.Bingz-Cinh moeb song gyaeuj,Yienzhaeuh humx Baekbingz,Aeu cwngci gung sim,Ndaej hozbingz gaijfang.Sam aen daih canyiz,Ciengj Gaisiz camjbaih,Bingdoih fanjdungbai,Gag simnaiq simliengz.Yinghyungz Dungj Cunzyui,Eiqceiq geng lumj gang,Bouxvunz miz dandang,Vut ndang caq diuhbauj.Liengz Swyingh hix baenz,Laemxsim gaen Dangj byaij,Hoenxciengq laebgoeng daih,Seiqhaij cungj riuzmingz.Namzging saw lauxbonj,Gag hanh conh ndang saenz,Gungcanjdangj daeknaengz,“Gwzming daengz doeksat”.Mauz（毛泽东） Cuh（朱德） baez hemq

sing,Diuh giengzbing bak fanh,Moeb gvaq Dahcangzgyangh,Gaijfang mbiengj baihnamz.Rumz haenq mbawfaex doek,Duzguk dangq duzmeuz,Laux Ciengj biu hanhheu,Ndotdeuz bae Daizvanh.（29）