Aen Hozdung “Couqmaenh Gij Eiqsik Caezcaemh Cunghvaz Minzcuz·

Meizdij Doxduenq Fangzcwngzgangj” Youq Fangzcwngzgangj Haiguh

（Bonjbauq siusik gicej Lij Daucih Loz Denh Vangz Yinz Vangz Yijyinh） 7 nyied 10 hauh, aen yizsiz hozdung “couqmaenh gij eiqsik caezcaemh Cunghvaz Minzcuz·meizdij doxduenq Fangz- cwngzgangj” caeuq bi 2023 gij bauyez dieg siujsoq minzcuz Cungguek cwngcomz doxgyau anqlaeh ndei youq Fangzcwngzgangj Si haiguh. Hozdung guh sam ngoenz, aen donzcaijfangj cenzmeizdij bae daengz Fangzcwngz Gih、Gangjgouj Gih、Dunghhingh Si daengj dieg, ngonzyawj gamjsouh Fangzcwngzgangj aen “sanhhaijgvanh”henzguek baihnamz guekcoj neix youq couqmaenh gij eiqsik caezcaemh Cunghvaz Minzcuz guh ok gijmaz cingzcik, gamjsouh gij yienghndei minzcuz、daegsaek henzguek、lizsij vwnzva aen singz neix.