Mboengqneix, gicej daj aen hoih doicaenh bi 2024 daengx gih “fanh giyez hwng fanh cunh” hengzdoengh Vuzcouh Si hai haenx roxyiuj, daengz 6 nyied daej, Gvangjsih gungh miz 2.9982 fanh aen minzyingz giyez caeuqfaenh “fanh giyez hwng fanh cunh” hengzdoengh, saedhengz hwng mbanj hanghmoeg 3.6732 fanh aen, nanangq daengz 1.1018 fanh aen mbanj, hong “fanh giyez hwng fanh cunh” byaij youq daengx guek baihnaj.

Gvangjsih “fanh giyez hwng fanh cunh” hengzdoengh doidoengh cung- denj yinvu doek dieg、giengzvaq guhyiengh yinxlingx daiqdoengh、damqra vunqsik gihci hwng mbanj cungj miz cungbyoengq moq. Seizneix, daengx gih 14 aen si laeb gih caeuqfaenh hengzdoengh giyez soq mauhgvaq 1000 aen, ndawde, Vuz- couh、Ginhcouh caeuqfaenh giyez soq mauhgvaq 3000 aen. Nyinhdingh swcigih gaep sawqniemh hanghmoeg 75 aen, senjlaeb dajcauh buek yienh、yanghcin、cunh caeuq ginhyungz gihgou guhyiengh ndeu, bingzsenj haenh 100 aen Gvangjsih “fanh giyez hwng fanh cunh” hengzdoengh aen minzyingz giyez(sanghvei) senhcin; haeujlaeg aen gihci Gvangjdungh Gvangjsih gunghsanghlenz doxbang doxgap, cauh 30 aen diegcazyawj, dazyinx Gvangjdungh minzgi bang- rengz Gvangjsih lajmbanj saenq- hwng.

Giethab cauhlaeb aen dijhi nungzyez daihneix “10+3+N” swcigih, haenqrengz senhconz doigvangq aen giyez lingxdaeuz daiqdoengh、daeg- saek swhyenz haifat、cunh giyez caezhwnq caezcauh、daengx canj- nieblienh doxyungz hwngfat、baih- doeng baihsae doxbang doxgap yinx- lingx daengj vunqsik hwng mbanj, damqra aen gihci bangfuz “yiengh gapdoih”. Ndawde, Vuzcouh、Fangz- cwngzgangj、Gveigangj daengj dieg doihengz aen doih caezcaemh fugsaeh giyezgyah bangrengz saenqhwng laj- mbanj、minzgi caeuqfaenh lajmbanj saenqhwng “sonyinx cingdan”“cien giyez yien cien cunh caezhwnq lajmbanj moq” hozdung daengj gij vunqsik bangfuz gag miz daegsaek de, hawj coenghrengz lajmbanj hwngfat、coenghrengz lajmbanj cienz- mienh saenqhwng ndaej miz ing- baengh.

(Ciengj Yizyinh)