Gyonjcomz bingdoih ak,Hoenx mbatmbat aeu hingz,Mbouj daekcoih lwgminz,Aeu minzsim youqgaenj.“Fanjdungbai dwghaemz,Cix baenz duzguk ceij,Caezgya gaej youheiq,Gijneix mbouj dwglau.”Hoenx ciemq lajmbanj gonq,Rom bonj caiq dwk singz,Bouxgvai rox yungh bing,Ciuq guekcingz bae guh.Baih doengbaek rengzfeiz,Seiq baez hoh Linzgyangh,Hen maenh dieg gaijfang,Bing minz angq baenz maz.4. Hen Maenh Dieg GaijfangCiengj Gaisiz hozgaek,Sikhaek diuh doihbing,Doq dwk Sanj-Ganh-Ningz,Doq bae bingz Sanhdungh.“Vunz daeuj raeuz doiqbing,Vunz dingz raeuz bae hwk,Vunz naiq raeuz couh dwk,Vunz deuz gyaep cimhlaeng.”Cauh “mozguh” hoenxfap,Dwk sam mbat cungj hingz,Gaijfangginh mingzsing,Ndaej sinz doh seiqlengq.Cinghvabenh（青化砭） mbwn o,Yangzmajhoz maengxangq,Hen maenh dieg gaijfang,Gungcanjdangj maenhndei.Banhlungz Cin angq hemq,Sahgyahden ndaej hingz,Gaijfangginh guenbing,Sing fwen goksasa.Cinz（陈毅） Suz（粟裕） youq Vaz-

doeng,Hoenxgung Mungliengzgu,Siumied Cangh Lingzfuj,Ndaej gujvuj vunzlai.Gaijfangginh hoenxciengq,Seiq liengx buek cien gaen,Ngoenzgonq gwn ndaej haemz,Ngoenzlaeng guh ndaej hwnj.Dieggaijfang ginhminz,Lumj dienbing dienciengq,Bouxboux haemz laux Ciengj,Hoenxciengq ak dangqmaz.（28）