Aen Hoih Yaenglwnh Geiq- niemh 《Fap Gizdieg Minzcuz Gag- guenj Cunghvaz Yinzminz Gung- hozgoz》 Fatbouh Hengzguh 40 Hopbi 4 hauh youq Baekging Yinzminz Daveidangz banh. Cungh- gung Cunghyangh Cwngcigiz cangz- veij、Daengx Guek Yinzda Cangz- veijvei veijyenzcangj Cau Lozci camgya.

Cunghgung Cunghyangh Cwng- cigiz veijyenz、Daengx Guek Yinzda Cangzveijvei fuveijyenzcangj Lij Hungzcungh youq aen hoih gangjvah. De daegbied gangj daengz, aeu dingjmaenh aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, haeujlaeg hagsib gvancez gij swhsiengj youq- gaenj mizgven gyagiengz caeuq gaijndei hong minzcuz Siz Ginbingz cungjsuhgi, cienzmienh gvancez gij cingsaenz Aen Hoih Hong Minzcuz Cunghyangh, aeu couqmaenh gij eiqsik caezcaemh Cunghvaz Minzcuz guh sienqmeh, dingjmaenh mbouj bienq byaij diuzroen deng miz Cungguek daegsaek bae gaijgez aen minzcuz vwndiz, dingjmaenh caeuq laebcaez aen cidu gizdieg minzcuz gagguenj, caeuq seizdaih caemhyamq guh ndei hong hengzguh fap gizdieg minzcuz gagguenj, coenghrengz maenhdwddwd coicaenh gak minzcuz caezcaemh doxgiet buekguh、caez- caemh mwnhoengh hwngfat, yungh yiengh yendaiva Cungguek cienz- mienh doicaenh hwnqguh aen guek ak、minzcuz fukhwng.

Lij Hungzcungh ceijok, Cibbet Daih Dangj doxdaeuj, Dangjcungh- yangh aeu Siz Ginbingz dungzci guh goek de yinxlingx gij saehnieb minzcuz doxgiet baenaj guek raeuz aeundaej cingzcik doenghbaez caengz miz gvaq. Gij swhsiengj mizgven gyagiengz caeuq gaijndei hong minz- cuz Siz Ginbingz cungjsuhgi, haibik aen dieg moq yiengh minzcuz lijlun Majgwzswh cujyi miz Cungguek daeg- saek gaen ndaej hwnj seizdaih, ceij cingcuj diuzroen baenaj doidoengh hong minzcuz dangj seizdaih moq hwngfat ndei saed. Raeuz aeu nyinhcaen hag rox gij neihanz laeg- daeuq、dwzcwngh seizdaih、saedguh iugouz couqmaenh gij eiqsik caez- caemh Cunghvaz Minzcuz, itloh yaengxsang fangeiz Cunghvaz Minzcuz doxgiet hoengh, hwngfat daengx aen gocwngz minzcuj, coihawj gak minzcuz gvangqlangh dox baedauq doxgyau doxyungz.

Lij Hungzcungh daegbied gangj daengz, aeu cinjdeng gaemdawz gwnz roen moq aen iugouz moq dingj- maenh caeuq laebcaez aen cidu gizdieg minzcuz gagguenj, doidoengh fap gizdieg minzcuz gagguenj saed- hengz aeundaej cingzcik moq. Aeu dingjmaenh dangj cienzmienh lingj- dauj daegbied dwg Dangjcunghyangh gyonjcomz doengjit lingjdauj, gien- giet henhoh guekgya doengjit、minzcuz doxgiet, doidoengh gizdieg minzcuz ginghci sevei hwngfat ndei saed, haenqrengz cauhlaeb aen gyaranz cingsaenz caezcaemh Cunghvaz Minzcuz, ciuq fap guenj- leix hongsaeh minzcuz, doxgiet dungyenz daengx guek gak cuz bouxminz caezcaemh roengzrengz buekguh bae saedyienh Cunghvaz Minzcuz fukhwng hungmbwk.

Fap gizdieg minzcuz gagguenj youq 1984 nienz 5 nyied ginggvaq Roek Gaiq Daengx Guek Yinzda Baez Hoih Daihngeih doenggvaq, caemhbi 10 nyied 1 hauh hainduj hengzguh.

（daj 《Sinhvazse》 aeu daeuj genj hoiz）